Er Magnús Þór flokkurinn?

Á heimasíðu Frjálslynda flokksins er hægt að skrá sig rafrænt í flokkinn. Um leið er fólki bent á að það geti líka hringt á flokksskrifstofuna, ef það vill heldur. Síminn er 552-2600.

Stuðningsmenn Möggu systur hafa kvartað undanfarna daga, enda fá þeir samband við Magnús Þór Hafsteinsson, varaformann flokksins, í þessu númeri! Það er greinilega stillt áfram í gemsann hans. Það kunna því nú ekki allir jafn vel að þurfa að tala við Magnús Þór þegar þeir skrá sig í flokkinn til að styðja Margréti og lái þeim hver sem vill.

Í gær ákvað stuðningskona Möggu hér á skrifstofunni að prófa hvort þetta væri rétt og hringdi í 552-2600. Viti menn, símtalið fór beint í talhólf Magnúsar Þórs. Og svo hringdi hann til baka úr gemsanum sínum.

Rétt áðan ákvað ég svo að hringja á flokksskrifstofuna til að forvitnast um frétt sem var á heimasíðu flokksins en var horfin þaðan. Ég hringdi í flokksnúmerið, en hætti svo við og lagði á eftir tvær hringingar. Varla leið mínúta þar til hringt var til baka, ,,Var verið að hringja í þetta númer?" spurði maðurinn og ég sagði honum auðvitað hvert erindi mitt hefði verið.

Þessi hringing til baka í mig var auðvitað úr gemsanum hans Magnúsar Þórs, 864-5585

Ríkið, það er ég! sagði kóngurinn.

Athugasemdir

[Hlynur Þór Magnússon, 26.1.2007 kl. 16:06]

Hvar með hinn Magnúsinn? Var ekki ætlast til þess að hann væri á skrifstofunni? Eða yfirleitt einhver til að svara í síma? Og það dagana fyrir flokksþing?

[Ragnhildur Sverrisdóttir, 26.1.2007 kl. 21:06]

Ég veit reyndar ekki betur en að flokksskrifstofurnar við Aðalstræti hafi verið mannaðar þessa daga. Þeim mun undarlegra að síminn skuli stilltur í gemsa framkvæmdastjórans