Miklir menn erum vér

Sumir menn lifa í einhverri undarlegri fantasíuveröld, þar sem aðal markmiðið er að upphefja sjálfa sig. Ef inneignin er lítil verður auðvitað að skreyta, eða hreinlega ljúga blákalt.

Það gerði hann alla vega snillingurinn í heita pottinum í Breiðholtslauginni í morgun, sem talaði hátt og mikið um að Margrét Sverrisdóttir hefði beðið þá innanbúðarmenn í Frjálslynda flokknum um að taka við sér á ný.

Sjá menn þetta nú ekki alveg í anda? ,,Gerið það strákar, mig langar svo að vera með ykkur. Ég hef svo svakalegt álit á ykkur sem stjórnmálamönnum og mér finnst líka svo gott að starfa með mönnum sem ég hef sannreynt að eru heiðarlegir. Please, please, ég á mér nefnilega enga framtíð í stjórnmálum nema styðjast við ykkar styrka arm!"

Yeah, right!!

 

 

Athugasemdir

[Sigríður Jósefsdóttir, 20.2.2007 kl. 17:46]

Heldurðu að pottverjinn sé eitthvað skyldur blaðamanninum í síðasta bloggi?  Fréttirðu annars nokkuð af morgunverðinum hjá MKS og JFM sem ég las um í eitthverju bloggi hér í morgun?

[Edda Agnarsdóttir, 20.2.2007 kl. 18:13]

Jamm og jæja, margur hefur tvær tungur í einu höfði!

[Kolgrima, 21.2.2007 kl. 08:22]

Sumir eru bara bjánar að eðlisfari og ekkert við því að gera