Flensa í Fossvogi

Flensan hefur stungið sér niður á heimilinu. Þær systur voru að vísu óvenju samtaka núna, ruku báðar upp með hita í gær og eru búnar að vera óttalega aumar, hóstandi og dormandi. Mér skilst að þessi fjári sleppi ekki takinu fyrr en eftir 5 eða 6 daga. Úff!

Svo byrjuðum við mömmurnar báðar að hósta pínulítið í dag, en reynum að hemja hóstann, eins og það breyti nú einhverju. Líklegast að við leggjumst báðar innan skamms, en auðvitað á maður alltaf að vera bjartsýnn. Það er aldrei að vita nema maður sleppi! Og lífið alveg hreint stórfínt í þessu blíðviðri, sem er svo miklu, miklu betra innandyra.

Pollýönnuleik lokið.

Over and out.

Athugasemdir

[Sigríður Jósefsdóttir, 26.2.2007 kl. 16:25]

Láttu mig bara vita Ragnhildur mín ef ég á að mæta með súpu fyrir liðið  Látið ykkur batna!

[Kristín Björg Þorsteinsdóttir, 27.2.2007 kl. 15:24]

Ég vona að snúllurnar ykkar nái sér fljótt - en mikið eru þær tillitsamar að veikjast á sama tíma. Og vona að þið mæðurnar veikist ekki strax því ef erfitt er að vera með veikt barn þá er enn verra að vera veik sjálf og þurfa að sinna börnum!!

[Anna Benkovic Mikaelsdóttir, 27.2.2007 kl. 21:12]

Ég og sonur minn erum líka í flensu...hann bíður Paulu (2móður sinnar) með tilhlökkun  og vonar að vera hress!

[Ragnhildur Sverrisdóttir, 28.2.2007 kl. 11:43]

Til allrar hamingju eru þær systur mjög að braggast og ég er miklu skárri í dag en í gær. Kata er á hátindi flensunnar, því miður, en þar sem við hinar erum að hressast mun þetta bjargast. Já, þær voru sérstaklega tillitssamar núna, systurnar, stundum hefur ein verið verið í 3 daga þegar hin tekur við og ÞAÐ reynir á þolrifin.