Bílaþvottur er sársaukalaus

Ég fór í laser-aðgerð á vinstra auga rétt upp úr hádegi. Alveg ótrúlega lítið mál. Einn góður maður sagði að svona aðgerð væri minna mál en að fara til tannlæknis og í raun bara eins og að skreppa með bílinn á þvottastöð.

Þetta er satt best að segja alveg hárrétt. Maður hefur ekki einu sinni tilfinningu fyrir að það sé verið að krukka í augað, þetta er frekar eins og að horfa í skoðunartæki hjá augnlækni. Alveg ótrúlegt. Og ég sest við tölvuna þremur tímum eftir aðgerð. O.k. það er nú ekkert sérstaklega mælt með því, svo þessi færsla verður ekki lengri.

Mæli með bílaþvotti og Lasersjón í Ármúla.

Athugasemdir

[Sigfús Sigurþórsson., 15.3.2007 kl. 23:09]

Er hægt að keyra inn?

[birna, 16.3.2007 kl. 10:14]

Úff! þú ert köld. Ég man ennþá eftir sviðalyktinni

[Ragnhildur Sverrisdóttir, 16.3.2007 kl. 14:52]

Já, reyndar kom einhver örlítil sviðalykt  En þetta var samt alveg ótrúlega lítið mál og væri nánast hægt að hafa þetta svona "aktu-taktu" system, þ.e. ef maður mætti keyra strax á eftir.