Upp, upp mín sál!

Áfengisneysla eykur líkur á brjóstakrabbameini, samkvæmt niðurstöðum danskrar rannsóknar.

Ég hef líka séð niðurstöður annarra rannsókna, sem sýna fram á tengsl alkóhóls og brjóstakrabbameins. Að vísu kunna menn ekki beint skýringar á þessu, en svona mun þetta samt vera. Segja þeir.

Ég á alveg fullt í fangi með að henda reiður á öllu því sem er alveg hundrað prósent sannarlega óhollt af vel þekktum ástæðum. Og get bara ekki bætt þessum ósóma á listann. Alla vega koma svona fréttir ekki í veg fyrir að ég fái mér vínglas, sem aðrar rannsóknir sýna að er hollt og gott fyrir hjarta og hina aðskiljanlegustu líkamsparta (er "sálin" annars líkamspartur?)

Athugasemdir

[Vera, 25.4.2007 kl. 12:36]

Það er talað um "22 til 27 drykki á viku" svo það ætti nú að vera í lagi að fá sér rauðvínsglas af og til   

[Ragnhildur Sverrisdóttir, 25.4.2007 kl. 15:55]

Jamm, plúsinn við þetta er að það voru DANIR sem rannsökuðu. Þeir hafa alveg örugglega ekki einu sinni velt fyrir sér hvort 10-15 drykkir væru skaðlegir, heldur farið beint í að rannsaka allt yfir 20 drykkjum.

Góðir menn, Danir, og traustir drykkjuboltar