Lógík, smógík

Ég tók heilaprófið, sem hlýtur að vera óskaplega áreiðanlegt, enda á sjálfu internetinu.

Niðurstaðan er sú að vinstra heilhvel ræður mestu um persónuleika minn. Svona er þetta:

"Most left-brained people like you feel at ease in situations requiring verbal ability, attention to detail, and linear, analytical ability. Whether you know it or not, you are a much stronger written communicator than many, able to get your ideas across better than others."

Right, og af því að ég bý yfir þessum kostum og hugsa svo hrikalega lógískt ákvað ég að HÆTTA í blaðamennsku! Dæs...

Framhaldið er undarlegt:

"It's also likely that you are methodical and efficient at many things that you do. You could also be good at math, particularly algebra, which is based on very strict rules that make sense to your logical mind."

Ég get fullyrt að algebra meikaði sko engan sens í my logical mind. Ég man enn þegar ég skítféll í stærðfræði í 4. bekk MR og skundaði rakleiðis til að skrá mig í námskeið og endurtektarpróf. Ég kom inn í skólastofu, sem var full af angistarfullum nemendum sem höfðu fallið. Ég hrópaði yfir allan hópinn að ég ætlaði að skrá mig á námskeiðið góða, svo ég næði nú örugglega endurtektarprófinu. Kennarinn fletti einhverjum blöðum, leit svo á mig og sagði: "Það er ekkert námskeið fyrir þig. Þú ert eini nemandinn í máladeild sem náðir ekki stærðfræðinni."

Not my finest hour, verð ég að viðurkenna.

Athugasemdir

[Hanna Kata (IP-tala skráð) 24.5.2007 kl. 14:11]

Ái! Þú hefur aldrei sagt mér frá þessu - líklega ekki þorað. En ég er smám saman farin að skilja hversu djúpstætt þetta stærðfræðiskilningsleysi þitt er þrátt fyrir þinn lógíska haus :)

[Ólöf Marín Úlfarsdóttir (IP-tala skráð) 25.5.2007 kl. 00:01]

Hehehe! Ég held að ég falli vel inn í hóp þeirra stærðfræðisljóu. Á erfitt með að skilja nýtísku stærðfræðibækur sem notaðar eru til kennslu í 5. bekk  Man einnig vel eftir Lárusi stærðfræðikennara í MS þegar hann stóð við töfluna, tómur í framan og hristi hausinn yfir þessum heimska "málabekk" þegar hann var að reyna að troða logaritma inn í hausinn á okkur... greyjið maðurinn! Logaritmi hefur ekkert með lógíska hugsun að gera - þetta eru alveg óskild fyrirbæri... skil vel að þetta hafi vafist fyrir þér!