Kvennahlaup eða kvennalandslið?

Af hverju í fj..... þurfti ég að velja á milli þess að fara með stelpurnar mínar í Kvennahlaupið eða fara á landsleikinn? Hvaða snillingar ákváðu að fjölmennasti íþróttaatburðurinn, Kvennahlaupið, yrði á sama tíma og landsleikur Íslands og Frakklands? Formaður ÍSÍ básúnaði yfir okkur konum í Garðabæ hvað þetta væri nú allt frábært, stórkostlegt að sjá allar þessar konur saman og blablabla. Á sama tíma voru hugsuðir hjá KSÍ að starta landsleiknum, með rúmlega 1600 áhorfendum. Hinar konurnar, sem hefðu gjarnan viljað vera á leiknum, voru að hlaupa.

Svei þessu!

Athugasemdir

[Heimir Lárusson Fjeldsted, 17.6.2007 kl. 16:02]

Hættu þessari upgerðar vandlætingu strax.

Þú og þínar gátu gengið í Morfellsbæ kl. 11 fyrir hádegið ef þið hefðuð kært ykkur um.

Einu hlaupin ykkar um helgina voru að hlaupa á ykkur.

[Ragnhildur Sverrisdóttir, 17.6.2007 kl. 17:01]

Við áttum reyndar ekki kost á að fara kl. 11, en það kemur þessu máli ekki við. Staðreyndin er sú, að landsleikurinn var á sama tíma og lang fjölmennasta hlaupið á þessum degi. Það er alltaf hægt að segja að fólk geti bara hlaupið á öðrum tíma, en hvurslags rök eru það?

Hversu líklegt þætti fólki að landsleikur arfaslaka karlaliðsins okkar væri settur á sama tíma og t.d. Reykjavíkurmaraþonið? Ó, jú, ekkert mál, fólk getur bara hlaupið á öðrum tíma, ekki satt?!

[Gísli Gíslason, 17.6.2007 kl. 17:11]

Ég vil benda á að það er ekki til neitt karlahlaup eða feðra hlaup, þannig að það er útilokað að eitthvert karlahlaup myndi vera á sama tíma og einhver karlalandsleikur.    Reykjavíkurmaraþon er bæði fyrir konur og karla.

Það er full ástæða að setja á fót karla eða feðrahlaup, þannig að afa, feður, synir og vinir gætu hlaupið saman, rétt eins og ömmur, mömmur og dætur.  Ég benti á þetta á mínu bloggi sjá.

[Ragnhildur Sverrisdóttir, 17.6.2007 kl. 17:20]

Já, ekki hef ég neitt á móti karla/feðga/bræðra/vinahlaupum karla. Megi þeir hlaupa sem mest

En ætli menn myndu ekki láta heyra í sér ef landsleikur karlaliðsins væri á sama tíma og karlahlaupið?

[Heimir Lárusson Fjeldsted, 17.6.2007 kl. 18:59]

Sem betur fer var kvennahlaupið á mismunandi tímum svo engin afsökun var fyrir því að mæta ekki á leikinn.

Gætum þess að þið konur hafið ekki fjölkvennt hingað til á knattsyrnuleiki kynsystra ykkar svo vandlætingin er óþörf.

[Ragnhildur Sverrisdóttir, 17.6.2007 kl. 21:55]

Æ, ég fyllist vandlætingu þegar mér er nóg boðið. Það verður bara að hafa það þótt sumum þyki það uppgerð eða óþarfi

[Gísli Gíslason, 17.6.2007 kl. 22:12]

Ég get alveg tekið undir það að það er óheppilegt að aðalhlaupið sé á  sama tíma og landsleikur.  Ég vildi bara óska að það væri til sambærilegt karla hlaup.