Snilld!

Snilld og ekkert nema snilld!

Mikið var gaman að vera í Laugardalnum og sjá kvennaliðið rótbursta Serba. Svona eiga landslið að vera!

Og í þokkabót var sett met í fjölda áhorfenda, hvorki fleiri né færri en 5.976 manns mættu til að hvetja liðið. Ekki tókst mér nú að vera í fararbroddi þúsundanna, eins og sérlegur áhugamaður um vallarferðir mínar hélt ég myndi verða, því liðið hafði þegar skorað tvö mörk þegar við Kata mættum á völlinn. En við fengum að sjá þrjú mörk til viðbótar og upplifa þessa frábæru stemmningu.

Á laugardaginn verður svo enn meiri fótbolti þegar stelpurnar okkar taka þátt í þriðja mótinu sínu, að þessu sinni í Mosfellsbæ. Mikil tilhlökkun á þessum bæ.

Athugasemdir

[Heimir Lárusson Fjeldsted, 22.6.2007 kl. 10:57]

Í fararbroddi eða ekki.

Þúsundir kvenna vissu að þú myndir koma og flykktust því á völlinn.

Ég verð að biðja þig afsökunar á að ég sá þig ekki á vellinum því ég var svo upptekinn af stelpunum á iða grænu grasinu.

Við eigum áhugann á stelpum sameiginlega.

[Ragnhildur Sverrisdóttir, 22.6.2007 kl. 13:24]

Haha, góður! Þótt ég vildi nú gjarnan eigna mér heiðurinn af góðri aðsókn...

En leikurinn var frábær, sigurinn sætur, veðrið yndislegt, stemmningin einstök. Er hægt að fara fram á meira?