Illt í röddinni

Eftir fótboltaskólann í dag fóru systur með Matthildi frænku og Tuma krílahundi í leiðangur. Þau fóru í langan göngutúr í Elliðaárdal og borðuðu nesti við Indjánafoss. Sverrir Karl uppáhaldsfrændi var líka með í för, svo þetta var eintóm sæla.

Elísabet kvartar eitthvað undan eymslum í hálsi núna, en miðað við lýsingar Matthildar stafa þær líklega af því hvað hún borðaði mikið í dag  En hún lýsir þessu alla vega svona: "Mér er illt í röddinni. Mér er illt þegar ég hósta og þegar ég tala. Og mér er meira að segja illt í röddinni þegar ég er ekki að nota hana!" (sem gerist afar sjaldan og þá helst þegar hún sefur)

Athugasemdir

[Jenný Anna Baldursdóttir, 13.7.2007 kl. 09:45]

Ragnhildur, þú drepur mig með þessum yndislegu "glimpsum" úr lífi stelpnanna þinna.  Ég er að farast úr krúttkasti

[Ragnhildur Sverrisdóttir, 13.7.2007 kl. 13:19]

Það hlýtur þó að vera sérstaklega ljúft að drepast úr krútti?