Hálsbólga

Kata keyrði systur í fótboltaskólann í morgun. Tíu mínútum eftir að þær óku á brott hringdi síminn hérna heima. Það var Elísabet: "Ég gleymdi að kveðja gíraffann minn. Hann er með svo mikla hálsbólgu. Viltu knúsa hann og gefa honum pillu?"

Ég lofaði því. Hver finnur ekki til með gíraffa með hálsbólgu?

Athugasemdir

[Jenný Anna Baldursdóttir, 13.7.2007 kl. 09:43]

Mig verkjar í hjartað fyrir hönd GÍVAFFANS (eins og Jenny Una Errriksdóttirrr kallar þetta mæta dýr).  Þarna hefur verið lagður grunnur að hinni fullkomnu móður framtíðarinnar og Elísabet kemur til með að skara fram úr á þeim vettvangi.

Hm.. kannast sjálf við að hafa í gegnum tíðina hringt heim frá hinum ýmsu uppákomum til að athuga með hvort stelpurnar mínar hafi verið, sofnaðar, vaknaðar, búnar að borða, bursta tennur og endalaust áfram.

Njótið dagsins

[Ragnhildur Sverrisdóttir, 13.7.2007 kl. 11:30]

Þessi veikindi gíraffans eru fremur alvarleg, hann hefur legið í rúmi frá því í júní með bundið um hálsinn. Elísabet tekur stundum þennan kostinn að ákveða að dúkkurnar séu veikar og getur þá skellt þeim í rúmið dögum eða vikum saman. Margrét er líklegri til að drösla sínum með sér um allt. Hvort þetta sýnir að Elísabet verði fyrirmyndarmóðir veit ég ekki. Ég myndi alla vega ekki setja gíraffa í langvarandi fóstur hjá henni

[Elín Katrín Rúnarsdóttir. , 13.7.2007 kl. 14:12]

Eigðu góðan dag í dag

[Ása Hildur Guðjónsdóttir, 13.7.2007 kl. 20:09]

Heppin ertu að eiga þessar perlur. Njóttu