Víkingablóð í æðum

Amma Magga gaf stelpunum tvo gamla "búninga", annar er Rauðhettubúningur og hinn er upphlutur. Þær systur spurðu fram og til baka um þetta, sérstaklega vildi Elísabet fá að vita allt um svona föt eins og stelpur klæddust í gamla daga.

Í kvöld spurði hún: "Má ég fara í víkingabúninginn?"

Ég var nú ekkert með þennan upphlut í huga, svo ég áttaði mig ekki alveg strax á hvað hún var að tala um. Hún lýsti víkingabúningnum nánar og ég benti henni á að þetta væri kallað upphlutur eða þjóðbúningur, ekki víkingabúningur.

Elísabetu er frekar illa við að láta leiðrétta sig og eftir örskamma stund kom spurningin: "Og hvað hét íslenska þjóðin í gamla daga?!"

U-u, mamma hennar varð að viðurkenna að líklega hefðu hér verið víkingar.

1:0 fyrir Elísabetu.

Athugasemdir

[Jenný Anna Baldursdóttir, 17.7.2007 kl. 01:08]

Hahahahaha!

[Ragnhildur Sverrisdóttir, 17.7.2007 kl. 10:38]

Jamm, mér finnst hins vegar algjör óþarfi að þær geri mæður sínar sífellt kjaftstopp

[Guðríður Hrefna Haraldsdóttir, 17.7.2007 kl. 15:19]

Frábærar stelpur og gaman að fylgjast með þeim.