Sporlaust

Systur þurfa að fá nýja strigaskó. Þær fengu tvenn pör í vor, en þeir eru auðvitað alveg að detta í sundur. Elísabet barmaði sér í morgun: "Skórnir mínir eru alveg ónýtir. Ég er meira að segja að klára sporin!"

Ég spurði hana hvað hún ætti við með að vera að "klára sporin".

"Af því að skórnir mínir eru svo gamlir, þá eru sporin alveg að klárast. Það eru komin göt á þau."

Svo sýndi hún mér götin.

Sem eru á sólunum, skósólunum. Öðru nafni "sporunum".

Athugasemdir

[Birgitta Sigurðardóttir (IP-tala skráð) 18.7.2007 kl. 17:37]

Og ég sem hélt að bræðurnir væru skóböðlar - þeir eru á pari nr 2 í sumar og allt útlit fyrir að það endist í 2-3 vikur í viðbót !

Takk fyrir skemmtilegar sögur af systrunum.

[Jón Steinar Ragnarsson, 19.7.2007 kl. 06:36]

Þú verður að bjarga traustum bomsum, sem marka þung spor til framtíðar.  Sporlaus getur maður ekki gengið.

[Jenný Anna Baldursdóttir, 19.7.2007 kl. 11:05]

Þetta nær ekki nokkurri einustu átt Ragnhildur, að láta telpurnar ganga um á sporlausum skóm.  Hvernig eiga þær að setja spor sín á spjöld sögunnar?  Í skóbúð með ykkur mæður.  Frusssssssssssssssss (slefandi hneyksliskalll)

[Ragnhildur Sverrisdóttir, 19.7.2007 kl. 13:19]

Svona, svona, þetta er allt í góðu lagi.

Reyndar skil ég ekkert í okkur að kaupa skóna hérna fyrir sunnan, undanfarin sumur höfum við alltaf keypt skó á þær á Ísafirði. SKóbúð Leós klikkar ekki!