Blessaður gróðurinn

Enn eru margir góðir sumardagar eftir og algjörlega ástæðulaust að æsa sig þótt nokkrir dropar komi úr lofti. Þetta var beinlínis bráðnauðsynlegt fyrir gróðurinn.

Og þrátt fyrir nokkra dropa er notalegt að bregða sér í heita pottinn á pallinum, alveg jafn notalegt og þegar sólin skín.

Þegar fjölskyldan fór í heita pottinn við Moggabústaðinn í febrúar snjóaði svo mikið að stelpurnar tóku með sér regnhlífar og ég skellti húfu á hausinn.

Svo við skulum ekki kvarta undan nokkrum dropum núna.

Athugasemdir

[Kristín Björg Þorsteinsdóttir, 20.7.2007 kl. 11:08]

Þegar við erum í heita pottinum í Grímsnesinu á veturna þá sitjum við öll með húfur á haus. Það er óneitanlega fyndin sjón að sjá okkur öll með hin ýmsu höfuðföt. En það skiptir öllu máli. Við getum setið heilu og hálfu tímana í frosti og snjó - bara ef við klæðum okkur vel til höfuðsins.

[Ragnhildur Sverrisdóttir, 20.7.2007 kl. 11:24]

Nákvæmlega! Hitatapið er allt saman um hvirfilinn. Mér leið líka hreint ágætlega í pottinum með húfuna á kollinum. Og systur með regnhlíf ;)