Í skólanum, í skólanum er skemmtilegt að vera

31.7.2007 | 22:07

Í skólanum, í skólanum er skemmtilegt að vera

Margrét átti bágt með að sofna í kvöld. Hún kvíðir því dálítið að byrja í skóla og spurði mig í þaula hvort allir krakkar færu út á leikvöllinn við skólann á sama tíma og hvort það væru ekki alveg örugglega kennarar að passa upp á að engin hrekkjusvín væru að stríða. Svo tók hún af mér hátíðlega loforð að fylgja þeim systrum í skólann. Ég lofaði því. "Alveg þangað til við verðum unglingar?" spurði hún, en sættist á að ég eða mamma þeirra myndum ganga með þeim á meðan þær vildu og teldu þörf á.

Getur ekki einhver bent mér á skemmtilega og jákvæða barnamynd, þar sem skólinn er sýndur í fallegu ljósi? Þótt Astrid Lindgren sé í uppáhaldi hér á bæ, þá lenda söguhetjurnar hennar gjarnan í hremmingum í skólanum, Lína hegðar sér auðvitað alveg eins og idjót og í bekknum hennar Madditar kemur upp heldur sorglegt þjófnaðarmál, svo dæmi séu tekin. Er ekki einhver mynd sem sýnir hvað það er nú gaman að læra að lesa, skrifa og reikna, leika sér á skólalóðinni, eignast vini í bekknum, geta leitað til kennarans ef þörf krefur, njóta þess að slúðra í matsalnum??

Plís?

Flokkur: Bloggar | Facebook

Athugasemdir

Hér eru bækur sem eiga það sameiginlegta að fjalla um skólabyrjun. kannski einhver geti komið að gagni.

Að byrja í skóla:

Gunilla Bergström: Hvað varð um Einar Æslabelg?
Christine Nöstlinger: Skólasögur af Frans
Sören Olsson: Skólataskan hans Svans
Ingo Siegner: Litli dreki kókóshneta byrjar í skóla
Thorval, K.: Pétur og Sóley
Kormákur Sigurðsson: Staðfastur strákur
M. Reutersward: Ída er einmana
Herdís Egilsdóttir: Sigga og skessan í skóla
A. Lindgren: Lína Langsokkur
Sid Roland: Pipp fer í skóla
Stefán Júlíusson: Ásta Litla Lipurtá
Stefán Júlíusson: Kári litli í skólanum
Moni Nilsson-Brännström: Tsatsiki og mútta (sérkafli um að byrja í skóla)
Ingibjörg Steinunn Ingjaldsdóttir: Ýma tröllastelpa byrjar í skóla
Arnheiður Borg: Rut byrjar í skóla
Stefán Jónsson: Skóladagar
Dorothy M. Parkin: Ranka fer í skóla
Dorita Fairlie Bruce: Dóra fer í skóla
Sempré og Goscinni: Litli Lási, fjör í frimínútum
Bestu vinir - Skemmtilegar sögur um vináttu (umfjöllun um skólann byrjar á bls. 108)
Magnea frá Kleifum: Sossa skólastúlka
Margatet Rettich: Kalli og Kata í skólanum
Ole Lund Kirkegaard: Gúmmí Tarzan (hressilegar lýsingar þar)
Tison, Annette: Skólinn hans Barbapapa
Otto S., Svend: Börnin við fljótið

Vinkona ,,Tantanna (IP-tala skráð) 31.7.2007 kl. 23:13

Snilld! Ég fer á bókasafnið strax á morgun og grúska (og skila þá Vefnum hennar Karlottu sem átti að skila fyrir mánuði)

Bestu þakkir, "vinkona tantanna", hver svo sem þú ert

Ragnhildur Sverrisdóttir, 31.7.2007 kl. 23:42

Hér er OFVIRKUR BLOGGARI Á FERÐ!!! Segi svona, fékk nett áfall þegar ég opnaði athugasemdarkerfið. Elsku dúllurnar að aðlagast breytingunum í huganum.

Ég var með svakalegar áhyggjur af því þegar ég var 9 ára að enginn maður myndi vilja gifast mér af því ég var freknótt. Lausnin var að stela púðrinu hennar ömmu þegar þar að kæmi svo ég gengi út. Þá kom annað vandamál. Hvernig átti ég að komast úr fötunum og yfir í náttfötin þegar maðurinn væri inni í sama svefnherbergi og ég. Þetta mál krafðist fleiri mánaða umhugsun. Þar sem ég þorði ekki að viðra áhyggjur mínar við fullorðna fólkið (átti ekki svona töff mömmur eins og systurnar) þá var þetta gífurlegt vandamál og mikið álag. Hehe.

Takk fyrir skemmtilegan pistil.

Jenný Anna Baldursdóttir, 31.7.2007 kl. 23:51

Annars held ég nú ég viti hver þú ert. Ekki margar vinkonur tantanna sem hafa jafn magnaðar upplýsingar um bókakost Takk, aftur.

Ragnhildur Sverrisdóttir, 31.7.2007 kl. 23:51

OK, frábær lausn þetta með púðrið, Jenný Og þetta með náttfötin, tja, mér finnst nú ágætt að þú hafir farið hjá þér við tilhugsunina, 9 ára gömul. Nógu snemma hverfur víst sakleysið. Dæs...

Ragnhildur Sverrisdóttir, 31.7.2007 kl. 23:55

Ég mæli eindregið með Einari Áskeli, sem er að pissa í sig af stressi og spenningi yfir fyrsta skóladeginum, en kemst svo að því að kennslukonan er víst alveg jafn stressuð og hann.

Anna Pála Sverrisdóttir, 2.8.2007 kl. 01:35

Ég leitaði einmitt að þessari bók um Einar Áskel, en hún var ekki til