Fyrirmyndir

22.8.2007 | 09:18

Það er gott að hugsa þegar tennurnar eru burstaðar á morgnana. Nú, eða hárið. Elísabet var alla vega hugsi á baðherberginu í morgun. Svo elti hún mig fram og sagði upp úr eins manns hljóði: "Það er gott að þið eruð mömmur okkar."

Fátt er nú betra fyrir sálartetrið en svona yfirlýsingar í morgunsárið.

Svo hélt hún áfram: "Þið kunnið svo margar skemmtilegar sögur. Eins og þegar Knútur frændi klessti á mömmu á sleðanum. Og þegar mamma plataði hann til að gefa sér súkkulaðið sitt. Eða þegar þú fórst að ná í eggin fyrir ömmu Deddu og braust þau öll. Og fékkst gat á hausinn þegar stóllinn datt á þig."

Jamm, alltaf gaman að heyra hrakfallasögur af mæðrunum.

Við erum óskaplega góðar fyrirmyndir.

Dæs...

Flokkur: Bloggar | Facebook

Athugasemdir

Þið mömmur eruð greinilega endalaus uppspretta skemmtilegra sagna. Hrakfallabálkar? Neh aldrei myndi ég halda því fram.

Jenný Anna Baldursdóttir, 22.8.2007 kl. 09:54

Skemmtilegustu sögurnar sem ég segi barnabörnum mínum eru einmitt sögur af foreldrum þeirra. Og því skemmtilegra finnst þeim, ef þær eru svolítið krassandi.

Kveðja í Logalandið

Þóra Guðnadóttir (IP-tala skráð) 22.8.2007 kl. 11:21

Já, ég er nú eiginlega farin að ýkja hrakfarir mínar verulega, þær vekja svo mikla lukku

Ragnhildur Sverrisdóttir, 22.8.2007 kl. 15:31

og ekki bara fyrir blessuð börnin, þið eruð frábærar fyrirmyndir fyrir okkur hin, eins og t.d. þegar Kata plataði 'Asdísi Höllu svo illilega að hún rambaði á barmi taugaáfalls (ég var bara aðstoðarkona) og þegar þú...... hmmm. Hvernig er það annars með forseta-framboðið, er ekki kominn tími til að koma hlutunum í gang. The First Twins þurfa að komast á Bessastaði sem fyrst!

Urður (IP-tala skráð) 23.8.2007 kl. 11:08

Uss, eins gott að sagan af gabbinu mikla haldist í þröngum hópi! Það var nú eiginlega of nasty GRÍÐARLEGA vel heppnað, sem sagt. "Aðstoðarmennska" þín var líka til fyrirmyndar, alla vega er Kata farin að aðstoðarmennskast full time núna.