Sigruð

Læknirinn, Öskubuska, málarinn og Hawaii-stúlkan fóru út á trampólín. Skömmu síðar birtist Brynja frænka Töru og Marta María kom í kjölfarið.

Það var nú ekki fjörlaust fyrir. Núna er allt að verða vitlaust

Elísabet tók að sér að gefa öllu genginu kex. "Það verður að hafa hressingu úti á palli þegar maður er með gesti," sagði hún afskaplega ákveðin, eins og hún ætti von á að ég myndi mótmæla.

Ég er löngu búin að játa mig sigraða.

Athugasemdir

[Jenný Anna Baldursdóttir, 26.8.2007 kl. 17:16]

Heilsuhælið í Hveragerði!  Sounds like a plan?  Hehe

[Ragnhildur Sverrisdóttir, 26.8.2007 kl. 19:43]

Haha, jú stundum hvarflar að manni að heilsuhæli væri freitandi. En núna er allir farnir til síns heima, systur borðuðu vel af lambasteikinni og eru sætastar og syfjaðastar á náttkjólunum sínum. Ég held svei mér þá að andlegt ástand mitt sé með skásta móti, þótt líkaminn sé uppgefinn

[Katrín (IP-tala skráð) 28.8.2007 kl. 00:34]

Var að "lesa upp" nokkrar færslur og var næstum búin að vekja barnið, svo hátt hló ég yfir færslunni um kossana. Skelfilega áttu auðvelt með að vera fyndin.

Takk fyrir hlátrasköll vikunnar

Katrín Brynja

[Ragnhildur Sverrisdóttir, 28.8.2007 kl. 09:38]

Þetta er mesti misskilningur. Ég er alls ekkert fyndin. Stelpurnar mínar eru fyndnar og ég skrái bara samviskusamlega niður það sem þær segja