Afmæli

Systur eru búnar að vera ákaflega leyndardómsfullar undanfarna daga. Þær fóru með mömmu sinni í bæjarferð á laugardag og sögðust vera að fara í "pæjubúð". Ég mætti alveg vera heima, enda þætti mér ekkert gaman að fara í svoleiðis búðir. Sjálfar dæstu þær og töluðu hátt og mikið um hvað það væri nú leiðinlegt að fara í pæjubúðir, en þær yrðu víst að gera þetta fyrir mömmu sína.

Kata skrapp til útlanda á sunnudag, en systur tóku af mér símann þegar hún hringdi og pískruðu og hvísluðu.

Í gærkvöldi báðu þær mig að tryggja að vekjaraklukkurnar þeirra væru stilltar á hálf sjö. Þær ætluðu að vakna alveg sjálfar, en ég skyldi bara kúra róleg, þær myndu vekja mig.

Klukkan hálf sjö í morgun byrjuðu klukkurnar þeirra að orga, en systur sváfu hinar rólegustu áfram um stund. Margrét í sínu rúmi, en Elísabet hafði laumast uppí til mín um miðja nótt. Loksins var slökkt á klukkum og Margrét tifaði yfir, vakti Elísabetu og báðar laumuðust fram. Bauk inni í skáp undir tröppunum og ég var eiginlega alveg við það að festa svefn á nýjan leik. Þá byrjuðu tveir litlir englar að syngja afmælissönginn fyrir mig. Krúttin búin að skríða inn í skáp, ná í pakka sem var keyptur á laugardaginn og svo fékk ég risaknús og kossa.

Gjöfin? Hálsmen, sem að sjálfsögðu heitir "gullmoli" í höfuðið á þeim og lítill súkkulaðikassi sem við getum borðað í sameiningu seinna í dag

Svona eiga afmælisdagar að vera. Og frúin væntanleg heim í kvöld.

 

Athugasemdir

[Jenný Anna Baldursdóttir, 28.8.2007 kl. 14:15]

Til hamingju með daginn og börnin og frúna og ... og.. gullmolann.

Jenny Una Eriksdóttir má ekki sjá pakka neinsstaðar því þá á hún samstundis afmæli, syngur afmælissöngin á tveimur tungumálum og klappar geysilega fyrir sjálfri sér.  Lífið er frábært.

[Jenný Anna Baldursdóttir, 28.8.2007 kl. 14:16]

Æi, skelltu einu enni þarna í afmælissönginn, er eitthvað sparsöm í dag

[hke (IP-tala skráð) 28.8.2007 kl. 14:18]

Til hamingju með daginn, mín kæra!

A "blogfriend" 

[Urður (IP-tala skráð) 28.8.2007 kl. 15:07]

Ó, til hamingju kæra frú! Megir þú lengi lifa, húrrahúrrahúrrahúrrrah! Var reyndar að átta mig á því að frú K bætti einu laufléttu ári á sig fyrir skemmstu, svo hugheilar afmæliskveðjur til ykkar beggja. Frá frú Urr

[Ragnhildur Sverrisdóttir, 28.8.2007 kl. 15:25]

Takk, takk, takk, thank you og dziekuje.

Ég skal skila kveðjunni, en svona lauflétt ár hafa náttúrulega ekkert vægi, sjáðu til. Ég þarf hins vegar kveðjur, huggunarorð, samúð...

[Kristín Björg Þorsteinsdóttir, 28.8.2007 kl. 15:41]

Til hamingju með daginn!

[Leifur (IP-tala skráð) 28.8.2007 kl. 16:57]

Til hamingju með daginn!

Ég borðaði hádegismat í dag með Möggu og við töldum nauðsynlegt að opna fljótlega rauðvínsflösku(r). 

[Ragnhildur Sverrisdóttir, 28.8.2007 kl. 17:27]

Takk og takk og takk

Leifur og Magga: Olla var að enda  við að lýsa áhuga á hittingi, svo grúppan þarf bara að fara að negla niður tíma ;)

[Sigríður Jósefsdóttir, 28.8.2007 kl. 22:09]

Hamingjuóskir með daginn.  Já, og til hamingju með að vera orðin fulltrúi okkar Ísfirðinga í sjónvarpi allra landsmanna.  Veit að þú átt eftir að standa þig eins og hetja.    Bestu kveðjur úr efri byggðum....

[Ragnhildur Sverrisdóttir, 29.8.2007 kl. 00:13]

Þakka þér fyrir, Sigríður. Ekki vissi ég nú að þetta væri orðið opinbert. En ég er ákaflega montin af þessu, mér finnst mikill heiður að fá að vera í liði Ísafjarðar :)

[Sigurlín Margrét Sigurðardóttir, 29.8.2007 kl. 07:29]

Til hamingju með daginn sem var í gær!  Síðbúin afmæliskveðja SMS

[hke (IP-tala skráð) 29.8.2007 kl. 10:22]

Leiðrétting:

Reyndar ertu alls enginn gullmoli, heldur gullklumpur. Ég bæti þessu við, því hér er blöggið þar sem væmnin drýpur af hverju atkvæði.

En ég býst við að burðarþolssjónarmið hafi ráðið því að þú fékkst gullmolann af þessu tilefni. Og þú færð engar samúðarkveðjur frá mér, það ættirðu að vita.

 A "blogfriend"

[Sigríður Jósefsdóttir, 29.8.2007 kl. 12:53]

http://www.bb.is/Pages/26?NewsID=104860 Hér er linkurinn á fréttina sem var á www.bb.is í gær.

[Ragnhildur Sverrisdóttir, 29.8.2007 kl. 20:30]

Held að það sé einhver vírus í tölvunni minni. Eða getur verið að hke hafi verið næs í alvörunni?

Neeeee.... hlýtur að hafa verið sark..

[hke (IP-tala skráð) 29.8.2007 kl. 21:25]

I blame Cutty Sark.

A "blogfriend" 

[hke (IP-tala skráð) 29.8.2007 kl. 21:37]

Og varðandi sjónvarpsstöntið - djö**** sem þú átt eftir að fá discount í snyrtivöru ónefndum verslunum í vetur.

[Vera, 29.8.2007 kl. 22:31]

Til lukku með daginn

Kv. Vera

[Ragnhildur Sverrisdóttir, 30.8.2007 kl. 10:28]

Æ, milljón þúsund þakkir fyrir allar kveðjurnar.

Ég þarf ekki að hafa neinar áhyggjur af aldrinum því þetta er auðvitað hárrétt hjá hke, að ég mun geta farðað þetta allt af mér. Þegar ég var í sjónvarpinu fyrir margt löngu þá gat ég ekki gengið framhjá snyrtivöruverslun án þess að kellingar við afgreiðslu kæmu hlaupandi út á götu með fulla poka af prufum. "Rosa gott að setja þetta undir augun á kvöldin og hitt á augnlokin og svo er hérna gott rakakrem á vangana, en ég mæli með þessu hérna á hálsinn...."

Mikið svakalega höfðaði þetta til mín. Ójá, það gerði það.

[Ásdís Haraldsdóttir (IP-tala skráð) 31.8.2007 kl. 07:42]

Til hamingju með afmælið og þessar skemmtilegu stelpur! Þú ert nú ennþá svo ung að þú þarft enga huggun. Þetta bara batnar