Hauslaus

Systur voru í Barbie-leik. Margrét stýrði Ken og Elísabet stýrði Barbie. Skyndilega hrökk hausinn af Ken. Margrét blikkaði ekki auga, stakk hausnum undir handlegginn á Ken, sneri honum að Barbie og sagði dimmrödduð: "Elskan mín, er ég ekki eins og draugur?"

Barbie var ekki skemmt.

Athugasemdir

[Jón Steinar Ragnarsson, 9.9.2007 kl. 19:59]

Svona erum við nú harðir af okkur karlarnir.

[Guðríður Hrefna Haraldsdóttir, 9.9.2007 kl. 21:36]

Hahhahahahaha! Algjör snilld!

[Soffía Óskarsdóttir (IP-tala skráð) 10.9.2007 kl. 07:01]

Komdu sæl Raghildur, 

Nú verð ég bara að fá að þakka fyrir mig.

Þessi skrif þín og dæturnar ykkar eru tær snilld og kæta mig í amstri dagsins. Gott að lesa um heilbrigt, eðlilegt og gott uppeldi og heimilslíf. Hafið það ávallt gaman og gott þið mæðgur og takk fyrir að leyfa mér að fylgjast með.

Kær kveðja, Soffía Óskarsdóttir, Horsens, Danmörku. 

[Kristín Björg Þorsteinsdóttir, 10.9.2007 kl. 08:32]

[Jenný Anna Baldursdóttir, 10.9.2007 kl. 08:41]

Hvað get ég sagt?  Ég er orðlaus og hauslaus. Þessar stelpur eru bara flottastar

[Ragnhildur Sverrisdóttir, 10.9.2007 kl. 08:41]

Ekki veit ég hvort það er til marks um hversu harðir karlar eru af sér að þeir kippi sér ekki upp við að missa hausinn, minn ágæti Jón Steinar. Er þetta ekki frekar til marks um fífldirfsku: Að grínast með allt saman og halda virkilega að frúin hafi húmor fyrir því??

Takk fyrir góðar kveðjur, mér finnst svo gaman þegar aðrir kunna að meta krúttin mín

[Kristján Jónsson (IP-tala skráð) 10.9.2007 kl. 15:17]

Takk fyrir alveg makalaust skemmtilega framhaldssögu!

[Auður Emilsdóttir (IP-tala skráð) 12.9.2007 kl. 19:05]

Ég rakst á bloggið þitt fyrir nokkrum vikum, og þóttu sögurnar af stelpunum þínum svo fyndnar og frábærar að ég varð að halda áfram að kíkja á þig... ætlaði bara að njóta í hljóði, en þetta var bara of fyndið. Tvíburastelpur eru stórkostlegar - litlusystur mínar (sem eru samt orðnar ískyggilega fullorðnar!) gætu ennþá verið efni í heilt blogg, þær myndu bara lúskra á mér ef ég myndi blogga um þær ;)