Boltinn

Systur sakna fótboltans. Þær hafa ekki farið á æfingu "alveg síðan þær voru litlar" segja þær. Alltaf sömu ýkjurnar á þeim bænum. En æfingar hafa vissulega legið niðri núna í september. Í október byrja þær aftur og þá geta þær tekið gleði sína.

Þær eru annars ósköp fótbolta-glaðar þessa dagana, Valsarar, með Rakel þjálfara innanborðs, búnir að tryggja sér Íslandsmeistaratitilinn. Við fórum nú ekki á völlinn í gær í góða veðrinu, enda voru systur á fimleikaæfingu. Og við fórum heldur ekki á dögunum, þegar Valskonur kepptu við KR. Þá fylgdumst við hins vegar með í sjónvarpinu hérna heima. Mér fannst nú alveg nóg um öll Vals-hvatningarhrópin, hvað þá þegar Kata bættist í hópinn, og tilkynnti að ég héldi með KR. Stelpunum fannst það hræðilegt. Og Margrét varð ákaflega sár á svipinn, horfði á mig ásakandi og spurði: "Heldurðu með KR þótt stelpurnar þínar séu í Val??"

My KR-days are over.

Athugasemdir

[Linda Ósk Sigurðardóttir (IP-tala skráð) 19.9.2007 kl. 14:20]

Þær eru snillar!!! minni bara á uppskeruhátíð yngri flokka Vals um helgina þær verða að mæta.

Áfram Valur

LOS

[Ragnhildur Sverrisdóttir, 19.9.2007 kl. 15:24]

Djísöss! Uppskeruhátíð? Og Kata ekki á landinu? Hver á þá að fara með þær á uppskeruhátíð? Það eru nú takmörk fyrir því sem ég legg á mig í þessu Valsara-dæmi, en ekki segja þeim það

[Linda Ósk (IP-tala skráð) 20.9.2007 kl. 12:52]

Bíddu, erum við ekki að safna medalíum!!!!

los