Viðbjóður

Nú styttist í að fótboltaæfingar vetrarins hefjist. Þær systur taka því fagnandi, enda ekki farið á æfingu síðan þær voru litlar, að eigin sögn. Það mun hafa verið í ágústlok.

Systur virðast aldrei fá nóg af æfingum, hoppi og skoppi. Þær eru í leikfimi og íþróttaskóla í Fossvogsskóla og fara í fimleika tvisvar í viku.

"Viðbjóðslega gaman," sagði Elísabet þegar mamma hennar spurði hana hvernig hefði verið í íþróttaskólanum.

"Viðbjóðslega gaman?" hváði Kata, sem hélt áreiðanlega að stelpuskottið yrði ekki unglingur fyrr en eftir nokkur ár.

Elísabet heyrði spurnartóninn og hikaði, en ákvað svo að rækta í sér unglinginn. "Já, VIÐBJÓÐSLEGA gaman!"

Á þessari mynd er Elísabet í viðbjóðslega flotta Valsgallanum sínum að gefa dúkkunni sinni  viðbjóðslega góðan graut.

Athugasemdir

[Jenný Anna Baldursdóttir, 28.9.2007 kl. 11:54]

Jesús minn hvað barnið er VIÐBJÓÐSLEGA fallegt.

[Ragnhildur Sverrisdóttir, 28.9.2007 kl. 12:21]

Þakka þér alveg viðbjóðslega mikið

[Guðrún (ókunnug) (IP-tala skráð) 28.9.2007 kl. 19:56]

Ég rakst fyrir skömmu á þessa síðu, alveg óvart, en þar sem þetta eru svo skemmtilega skrifaðir pistlar má ég til með að kíkja öðru hvoru - maður hefur jú alltaf gott af því að brosa og rækta barnið í sér. Vildi kvitta fyrir innlitið svona einu sinni. Takk fyrir mjög svo "gleðilegt" blogg.

[Kristín (IP-tala skráð) 28.9.2007 kl. 21:10]

HAHAHA

minn 5 ára er hjá Val líka

en það er ógó gaman og ýkt cool

[Guðríður Hrefna Haraldsdóttir, 28.9.2007 kl. 23:19]

Áfram Valur!!!