Útvarp Umferðarstofa

Við gengum í skólann í morgun, enda var Kristín Björg Þorsteinsdóttir búin að segja að það ætti maður að gera og auðvitað hvarflar ekki að mér að andmæla.

Þegar ég sagði systrum að við ætluðum að ganga kom gleðióp, eins og alltaf þegar við göngum.

Ég held við ættum að stefna að því að hafa "göngum-í-skólann" mánuð og í framhaldinu "göngum-í-skólann" skólaár. Þetta eru svo ljúfar stundir.

Svo fremi sem ekki er "lítil-börn-halda-sér-í-ljósastaura" óveður, þá göngum við.

Athugasemdir

[Kristín Björg Þorsteinsdóttir, 3.10.2007 kl. 14:47]

Húrra fyrir ykkur mæðgum!! Og það er mjög gott mál að þú gegnir mér!!

Það verða vonandi myndir í fréttatíma sjónvarps klukkan 19:00 í kvöld. Átakið fór formlega af stað í morgun og Ríkislögreglustjóri fór með 1.bekkingum úr Mýrarhúsaskóla út að ganga við skólann. Það dugir ekkert minna....

[Ragnhildur Sverrisdóttir, 3.10.2007 kl. 15:31]

Ég verð að tryggja að systur sjái fréttina ekki! Ég kæri mig ekkert um að þær heimti borðalagðan fylgdarmann í skólann

[Jenný Anna Baldursdóttir, 3.10.2007 kl. 15:37]

Minna má það ekki vera Ragnhildur mín, borðalagður og júníformaður "skólafylgdarmaður" með stjörnuljós.  Ójá.

[Ragnhildur Sverrisdóttir, 3.10.2007 kl. 15:39]

Megi dætur mínar aldrei heyra til þín, Jenný! Ég er einfaldlega ekki nógu glysgjörn fyrir svona nokkuð!