Geirungssög

Mig hefur aldrei langað í geirungssög. Og hef satt best að segja enga hugmynd um hvernig nota á geirungssög.

Núna glymja endalaust auglýsingar í útvarpi og sjónvarpi um frábært tilboð á geirungssög. Og hún er meira að segja með borði!

Mig er allt í einu farið að langa í geirungssög.

Annars hafa auglýsingar auðvitað engin áhrif á mig.

Athugasemdir

[Ásdís (IP-tala skráð) 10.10.2007 kl. 20:14]

Geirungssög er nauðsynleg ef t.d. á að leggja parket, skálagt. Ég gerði það og hafði hana í láni þegar. Dreymir um að eiga svo sem eitt stykkis þannig sög, það er hægt að saga ramma >hornrétt< 

[Ragnhildur Sverrisdóttir, 10.10.2007 kl. 20:58]

Þakka þér kærlega fyrir upplýsingarnar. Ég trúi því alveg að þetta sé mesta þarfaþing, þótt ég gæti allt eins velt fyrir mér spliffi, donki og gengju, eins og Fóstbræður.

En sem sagt, ágæta Ásdís, geirungssög er á tilboði þessa dagana. Með borði