S er svín og saga

11.10.2007 | 23:09

Systur myndskreyttu S blöðin sín í dag.

Elísabet teiknaði fyrst rauða könnu með brúnni sósu í "eins og góða sósan sem afi Ís gerir." Sósa.

Svo teiknaði hún agnarsmáa mannveru. Stúlka.

Því næst agnarsmátt, bleikt dýr. Svín.

Og loks bláan flöt, stökkbretti og agnarsmáa mannveru á því. Sundlaug.

Margrét byrjaði á að endurnýja orð sem hún notaði líka þegar hún myndskreytti Í-blaðið. Sími.

Næsta mynd tók afskaplega stuttan tíma, en var fagurgul og rauð. Sól.

Hún leit svo til vinstri, sá pennaveskið og innihald þess og gerði þriðju mynd. Stækkunargler.

Fjórða myndin tók lengstan tíma. Á henni er stór og myndarleg bókahilla, troðin bókum í öllum regnbogans litum. Fyrir framan hilluna situr stúlka á stól og les í bók. Orðið? Saga.

Flokkur: Bloggar | Facebook

Athugasemdir

Þær eru yndislegar fyrstu teikningarnar og ber að sjálfsögðu að geima þær vel.
Má til að segja þér eina pöddusögu.
þegar mínar voru um það bil 3-4 ára vorum við stödd hjá bróður mínum
í bússtað við Vesturhópsvatn, margt var um manninn því hann var 50 ára
hann bróðir minn. Við tjölduðum eins og aðrir,
um kvöldið fórum við afi með þær niður í tjald að svæfa,
er inn í tjaldið var komið blasir við okkur járnsmiður af góðri stærð,
ég segi eigum við ekki að láta hann útfyrir greyið, nei nei við viljum hafa hann hjá okkur,
Æ.Æ. Já en hún á kannski börn úti í móanum sem hún þarf að hugsa um.
Þær voru ekki lengi að svara: "En amma hvernig veistu hvort þetta er kona?"
Var ekki nægilega fljót að svara, svo hann fékk að vera inni.
Kveðja Milla.

Guðrún Emilía Guðnadóttir, 12.10.2007 kl. 14:36

það er gaman að fylgjast með þegar börnin manns byrja í skóla ég á fimm stelpur elsta er tvítug í háskólanum og yngsta er sex ára og er LOKSINS byrjuð í skóla og hún er reyndar svolítið óþolinmóð og finnst heimavinnan vera of LÍTIL,sem sagt vill fá fleiri heimaverkefni, og má til með að óska þér til hamingju með systur þína.kv.linda