Ú

Ú er stafur vikunnar. Systur komu með verkefnablaðið sitt heim, en þær þurfa líka að sinna lestrinum og af því að þær eru þreyttar eftir fótboltaæfingu verður stafablaðið að bíða.

Margrét er samt með fjölmargar hugmyndir: "Úr og úlfur. Eða útvarp. Svo þarf orðið ekkert að byrja á ú. Það má vera fljúga eða snúra eða húfa."

Svo sagðist hún líka geta teiknað flugelda að springa og skrifað undir: "Búmm-búmm!"

Mér líst allra best að tvennt sem hún stakk upp á: "Útlægur! Ég veit sko alveg hvað það þýðir. Og úldin sveskja!"

Ég get varla beðið eftir að sjá myndskreytingarnar með útlægri og úldinni sveskju.

Bleiku, væmnu dagarnir eru að baki.

Athugasemdir

[Jenný Anna Baldursdóttir, 20.11.2007 kl. 22:54]

Barn farið af bleiku skýi yfir í ískaldan súrrealisma. Úje

[Ragnheiður , 21.11.2007 kl. 12:14]

hehe verst að það er ekki hægt að teikna lykt !

[Ragnhildur Sverrisdóttir, 21.11.2007 kl. 13:42]

Þú ert örugglega að falla í sama, ferkantaða hugsanaháttinn og ég geri mig sífellt seka um, Ragnheiður! Ég held alltaf að Margrét geti ekki teiknað það sem henni dettur í hug, en hún hefur leyst það hingað til  Ég mun að sjálfsögðu gefa skýrslu um Ú-blöðin þeirra þegar þeim er lokið.

[Ragnheiður , 21.11.2007 kl. 13:50]

Hehe já líklega er það rétt hjá þér Ragnhildur...ég bíð spennt eftir því hvernig Margrét leysir þetta. Ég var að reyna að bæta þér við sem bloggvini en tölvan mín er eitthvað á mótþróaskeiði.

[Ragnhildur Sverrisdóttir, 21.11.2007 kl. 15:17]

Hvusslags! Ég prófa að verða bloggvinur þinn, kannski er tölvan þín eitthvað stór upp á sig og vill fremur samþykkja en sækja um