Ástartími

25.11.2007 | 22:57

Góð helgi að baki.

Laugardeginum eyddum við í jólaskreytingar í garðinum. Við settum bláa seríu á kofann þeirra, sem ljómar núna svo lýsir í næstu garða. Systur voru mjög spenntar að setja í samband. Svo settum við upplýstan jólasvein við heita pottinn. Öll familían fór í pottinn á laugardagskvöldi, stjörnubjartur himinn og ískuldi. Systur steinsofnuðu eftir það.

Í dag bakaði Kata piparkökur með systrum, en sú sem var ekki að baka hverju sinni las heimalærdóminn með mér. Þeim fannst þetta gott. Margrét sagði að henni þætti eiginlega eins og jólin ættu að heita "ástartími", af því að þá væri öll fjölskyldan saman að gera eitthvað gott.

Ástartími.

Síðdegis í dag fengum við heitt súkkulaði og nýbakaðar smákökur hjá bestu fáanlegum nágrönnum og svo fórum við Kata í jólaboð hjá Þórdísi og Kristjáni. Systur voru mjög sáttar við að hafa Eddu frænku hjá sér, enda fengu þær pizzur í sunnudagsmatinn að þessu sinni.

Ástartíminn er byrjaður.

Flokkur: Bloggar | Breytt s.d. kl. 23:09 | Facebook

Athugasemdir

Jenný Anna Baldursdóttir, 26.11.2007 kl. 00:03

Besti tími ársins að fara í hönd.

Þóra (IP-tala skráð) 26.11.2007 kl. 11:33

í guðs bænum passið þið uppá á að Sveinki detti ekki ofan í pottinn....ég tala nú ekki ef einhver er ofan í pottinum. Ráðlegg ykkur eindregið að færa karlgreyið eitthvað til ..........!

Berglind (IP-tala skráð) 26.11.2007 kl. 22:39

Gleðilegan ástartíma!

Hvílíkar perlur

Ásdís Haraldsdóttir (IP-tala skráð) 26.11.2007 kl. 23:34

Takk fyrir varnaðarorðin, Berglind, en Sveinki getur ekki dottið ofan í pottinn. Hann er vissulega við hliðina á honum, en stendur miklu neðar, því potturinn er svo hár og þar að auki tryggir snúran að hann nær alls ekkert að pottinum. Við munum því ekki grilla familíuna þessi jólin.

Og perlur eru þær, ójá, ég mun seint neita því