Þjófóttir sveinar

Í gær, sunnudag, fóru systurnar með Möggu systur minni í Árbæjarsafn. Þar var verið að opna jólasýningu og margt um að vera. Þær dönsuðu í kringum jólatré úti á túni og fengu að sjá kerti steypt með gamla laginu.

Svo komu jólasveinar og þá sagði Elísabet við frænku sína: "Ég veit af hverju jólasveinarnir komu hingað. Til að stela kertunum!"

Eftir þessa yndislegu byrjun á deginum komu þær til okkar, þar sem við sátum í vellystingum hjá nágrönnunum. Það var langt liðið á daginn þegar við röltum loks yfir, en þá luku þær við þrautabækurnar sínar (strákur gefur mömmu sinni 4 fjólur á afmælinu og systir hans gefur henni 5 sóleyjar, hvað eru það mörg blóm?)

Þær eru farnar að vera örlítið tregar við að fara í skólann, þótt hann sé frábær. Þeim finnst bara svo margt óskaplega mikilvægt jólastúss, sem þær verði að sinna hérna heima. Í dag ætlum við að baka úr smákökudeiginu sem ég gerði á laugardag  

Athugasemdir

[Jenný Anna Baldursdóttir, 10.12.2007 kl. 15:29]

Sko það á að gefa börnum frí fom miðjum desember.  Bara mæta á litlu jólin og ekki svo meir.  Hmm gengur ekki ef báðir foreldrar vinna, en þetta er mín útópía.  Var að reyna að sannfæra dóttur mína og mömmu hennar Jennýjar Unu um að hún þyrfti skammdegisfrí og hvíla sig frá leikskóla.  Hvar átti barn að dvelja, jú hjá ömmunni.  Undirtektir voru fremur dræmar

[Jenný Anna Baldursdóttir, 10.12.2007 kl. 15:29]

Bók komin úr smiðju?

[Ragnhildur Sverrisdóttir, 10.12.2007 kl. 17:21]

Þær fá ágætis frí, krúttin, frá 20. des og fram yfir þrettándann. Það verður himneskt, þ.e.a.s. ef okkur tekst að kenna þeim að sofa út! Ég skil hins vegar alls ekki hvers vegna undirtektir voru dræmar við tillögu þinni, Jenný Una virðist una sér ágætlega hjá þér

Bókin að öllum líkindum í dreifingu á miðvikudag.

[Sigga Víðis (IP-tala skráð) 10.12.2007 kl. 19:58]

Innilega til hamingju með bókina. Sá þig í Kastljósinu, glæsilegt hjá þér!

[Rannveig Ólafsdóttir (IP-tala skráð) 10.12.2007 kl. 21:29]

Úff til hamingju með bókina þína Ragnhildur:) maður er hálf nervus að commenta á bloggið þitt:) en er stolt af þér frænka:)

Rannveig Ólafsd

[Ragnhildur Sverrisdóttir, 10.12.2007 kl. 21:51]

Takk kærlega, Sigga.

Og takk, Rannveig, fyrir bæði þetta komment og síðasta

[Gudrún hauksóttir (IP-tala skráð) 11.12.2007 kl. 08:20]

Til hamingju med bókina tína Ragnhildur,ég kíkji stundum inn á bloggid titt tegar ég er á bloggferdalagi:) skemmti mér ávallt vid ad lesa tad.Einlægt og oft krúttlegt.

Bestu kvedjur hédan frá danmörk.

Gudrún

[Ragnhildur Sverrisdóttir, 12.12.2007 kl. 11:19]

Takk Guðrún. Vertu velkomin á bloggferðalaginu