Hæfileg refsing

Ég skrapp niður á lögreglustöð í morgun og færði Stefáni lögreglustjóra eintak af bókinni minni, Aðgerð Pólstjarna. Hann tók mér ljúfmannlega þótt enn ætti hann eftir að lesa bókina og launaði mér bókina með eintaki af geisladisk Lögreglukórsins. Sá diskur heitir "Hæfileg refsing." Ég veit ekki hvort ég þori að hlusta á disk með slíku heiti  Gott að löggan hefur húmor fyrir sjálfri sér.

Og hinir, sem ég var búin að lofa bók: Þetta er allt að koma, ég fæ fleiri eintök á morgun. Þá sendi ég bækur út og suður á þá sem koma við sögu í bókinni.

Athugasemdir

[Marta B Helgadóttir, 13.12.2007 kl. 19:23]

Innilega til hamingju með bókina þína.

[Sigríður Þóra Magnúsdóttir, 13.12.2007 kl. 19:54]

Innilega til hamingju með  bókina , hún er komin á jólagjafalistann minn .

[Ragnheiður , 13.12.2007 kl. 20:54]

Hann er ansi góður sá diskur, fór meira að segja á útgáfutónleikana hjá þeim í fyrra.

Enn og aftur til hamingju með bókina þína

[Jenný Anna Baldursdóttir, 13.12.2007 kl. 21:12]

Til hamingju með bókina og diskinn, hehemm, ég ætla hinsvegar ekki að fjárfesta í lögreglukórnum.

[Ásthildur (IP-tala skráð) 13.12.2007 kl. 23:19]

´Sæl systir góð og til hamingju með bókina  og vonandi kemst næsti jólasveinn til byggða í nótt því ekki var spáin góð fyrir blessaða karlana úr fjöllunum .Knús til M og E og við sjáumst hressar á sunnudag í jólabrunch kveðja Ásthildur systir

[Ragnhildur Sverrisdóttir, 13.12.2007 kl. 23:35]

Takk, takk, takk, takk, takk, takk

Ég skellti disknum á. Dálítið súrrealískt að heyra lögreglukórinn syngja "Lög og reglu", en auðvitað bara fyndið. Það er kannski ráð að hafa diskinn í bílnum og spila "Riddara götunnar" og útskýra fyrir löggunni sem stoppar mann fyrir hraðakstur að þetta sé bara svo svakalegt stuð að maður hafi ekki getað stillt sig

Ásthildur, ég get varla beðið

[Kristín Björg Þorsteinsdóttir, 14.12.2007 kl. 13:03]

Mér þykir verst að hafa ekki hitt þig - ég var á sama tíma og þú niðrá stöð að draga í jólagetraun grunnskóla