Askasleikir

Margrét var töluvert svekkt yfir því í gærkvöldi, rétt eins og á sama tíma í fyrra, að við búum ekki svo vel að eiga ask. En hún útskýrði málið fyrir mér, hægt og rólega, svo ég myndi nú ekki ruglast: "Askur var svona eins og skál með loki og svo var maturinn í skálinni og fólkið gat notað lokið eins og disk."

Hún vissi alveg hvernig ætti að bjargast án asksins. Við settum smákökur og eina mandarínur í botn á djúpum diski. Henni fannst óþarfi að setja einhvern spónamat, í gamla daga hefði fólk borðað slátur og alls konar svoleiðis mat úr askinum sínum. Svo lögðum við grunnan disk yfir þann djúpa. Askur anno 2007.

Í nótt kemur Hurðaskellir. Ég held að hann þurfi enga sérmeðferð, bara kökur á disk og mjólk með.

Athugasemdir

[Ásta Hrönn , 17.12.2007 kl. 22:38]

Sæl Ragnheiður!

Verð bara að segja þér að ég sá auglýsingu í sjónvarpinu fyrir bókina þína! Til hamingju með hana

kveðja,

[Ragnhildur Sverrisdóttir, 17.12.2007 kl. 23:40]

Hey! Það er meira en ég hef séð  !! Vona að þetta hafi verið góð auglýsing og takk fyrir hamingjuóskirnar.

[Ragnheiður , 18.12.2007 kl. 00:43]

Heppin varstu að þurfa ekki að rogast af stað með hurð ! Hugmyndaflugið er slíkt að unun er að líta.

Bíð spennt eftir jólasveinasögu, veit að það er eðlilegt hlé á stafapistlum