Hin fúla, fjórða

Þessi fúla, fjórða lægð má alveg verða sú síðasta í bili! Mér var alveg nóg boðið fyrir nokkru þegar fór að leka úr loftinu í herbergi stelpnanna (og þær "trúðu sko ekki eigin augum" í dramatíkinni). Þá lak líka dálítið með stofugluggum. Núna hriplekur með stofugluggum, það beinlínis rignir úr loftinu hjá systrum niður í þrjár skálar þar undir (ég varð að hella úr þeirri stóru áðan) og sem ég sat við tölvuna fyrir 5 mínútum heyrði ég dropahljóð á bakvið mig. Jú, mikið rétt, glugginn á skrifstofunni míglekur líka! Þetta er auðvitað ekkert slétt normal, enda er þetta veðurfar ekkert eðlilegt. Skrambinn og fjárinn, eða hoppandi hafmeyjar og sótsvartir sæhestar, eins og Kolbeinn kafteinn myndi segja

Nú fer ég lokaumferð um húsið áður en ég fer að sofa. Í fyrramálið má ekki rigna. Ég ætla að vakna í jólaskapinu sem ég var í um miðjan dag, takk fyrir.

Athugasemdir

[Ragnheiður , 18.12.2007 kl. 01:03]

Sama hérna...keypti í sumar hús með ónýtum gluggum. Komst ekki í viðgerðir síðsumars eins og til stóð....nú eru þvegin handklæði daglega !

[Jóna Kolbrún Garðarsdóttir, 18.12.2007 kl. 02:06]

Sem betur fer er ekki rigning að norð-austri þá væri flóð með útidyrunum hjá mér sunnan rigning hentar mér betur

[Ragnhildur Sverrisdóttir, 18.12.2007 kl. 09:25]

Gluggarnir hjá mér eru vissulega slappir, svo það hjálpar ekki. Þeir eru reyndar handónýtir í stofunni. Ég verð líklega að hafa handklæði og skálar tiltæk fram á vorið. 

[hke (IP-tala skráð) 18.12.2007 kl. 10:25]

Settu upp jólasveinahúfuna, kona góð, and "elf yourself".