Klapplið

11.1.2008 | 00:05

Systur fóru á enn eina fótboltaæfinguna. Núna voru 24 stelpur á æfingu og greinilegt að margar ætla að skella sér í boltann fyrir sumarið. Og Rakel þjálfari fer létt með að mæta með tvö lið á mótið í Fífunni næsta laugardag.

Dagurinn var viðburðaríkur hjá systrum. Tara bekkjarsystir þeirra og nágranni á afmæli í dag og af því tilefni tóku þær með sér sitt hvorn pokann af piparkökum, til að halda eins konar afmælisveislu fyrir Töru í frímínútunum. Á morgun býður Tara svo til veislu.

Eftir afmælisveisluna á morgun ætla systur að bruna með mömmu sinni í sjónvarpssal og fylgjast með æsispennandi viðureign Ísafjarðarbæjar og Akraness. Gott að hafa sitt eigið klapplið með Smile

Eini gallinn við þessa viðburðaríku daga er að þær hafa ekkert æft á gítar undanfarið. Bara alls ekki neitt. Fyrsti gítartími ársins er á laugardag, strax á eftir fótboltamótinu og þær eru ólíklegar til að slá í gegn þar. Við bætum úr því síðar, vona ég.

Flokkur: Bloggar | Facebook

Athugasemdir

Ég er með smá vandamál. Verð að halda með báðum liðum í kvöld. Þú og Ólína í einu og Gurrí í hinu. Dem, dem, ég þjáist af valkvíða.

Jenný Anna Baldursdóttir, 11.1.2008 kl. 09:56

Það er alltaf jafn gaman að lesa um systur.

Enn núna ætla ég bara að pur, pur á þig fyrir kvöldið.

Guðrún Emilía Guðnadóttir, 11.1.2008 kl. 12:38

Hmm...?! Jenný, er ekki best að halda með því liðinu þar sem eru fleiri bloggvinkonur? Ég og Ólína vs. bara Gurrí??? Þetta segi ég auðvitað bara til að auðvelda þér valið.

Takk fyrir pur-ið, Milla

Ragnhildur Sverrisdóttir, 11.1.2008 kl. 13:32

Gangi þér vel!!! Held með þínu liði;)

Dabbaa (bloggvinur) (IP-tala skráð) 11.1.2008 kl. 16:22

Já mig minnti þetta....ohh..rosalega verður gaman að fylgjast með í kvöld. Ég sé fram á að geta stokkið upp fagnandi við öll rétt svör Miklu betra en að mæta í líkamsrækt hehehe

Ragnheiður , 11.1.2008 kl. 18:05

Takk fyrir allt gott pepp Ég mun gera mitt besta til að fólk fái sem mesta líkamsrækt heima.

Ragnhildur Sverrisdóttir, 11.1.2008 kl. 18:18

gangi ykkur vel í kvöld og góða helgi

Linda Linnet Hilmarsdóttir, 11.1.2008 kl. 19:32

puff puff - en áfram Akranes þótt ég viti að það sé erfitt!

Edda Agnarsdóttir, 11.1.2008 kl. 19:39

Það var einstaklega gaman að hitta þig í kvöld og líka yndislegu stelpurnar þínar. Fer ekki ofan af því að ræðaraspurningin sem þið fenguð var viðbjóður, veit ekki um nokkurn sem hefði getað svarað henni og þekki ég þó ansi marga ... Takk fyrir góða keppni.

Guðríður Hrefna Haraldsdóttir, 12.1.2008 kl. 00:02

Takk sömuleiðis Gurrí

Þetta var mjög jafnt og þar af leiðandi skemmtilegt. Þið höfðuð einfaldlega betur. Ég vona að ykkur gangi vel í næstu lotu.

Ragnhildur Sverrisdóttir, 12.1.2008 kl. 00:16

Þið stóðuð ykkur samt ótrúlega vel og virkilega gaman að fylgjast með ykkur

Ragnheiður , 12.1.2008 kl. 16:15