Meira BG&I

Ég má til með að benda aðdáendum BG og Ingibjargar, nær og fjær, á heimasíðu Baldurs Geirmundssonar, www.bgmusik.is

Þarna eru allir gullmolarnir, undir hlekknum "tónlist"

Njótið

Athugasemdir

[Katrin Frimannsdottir (IP-tala skráð) 24.1.2008 kl. 01:52]

Nú er ég búin að hlusta á sama lagið oft, oft og maðurinn minn kom að mér og spurði hvort allt væri í lagi! Ég var ekki alveg viss hvernig ég ætti að svara, það er óljóst hvort ég er í lagi eða ekki.

[Jón Steinar Ragnarsson, 24.1.2008 kl. 02:36]

Takk fyrir þetta mín kæra. Yljar nostalgíunni manns.

[Haukur Nikulásson, 24.1.2008 kl. 08:59]

Takk fyrir - skemmtilegt að hlusta á þessi lög.

[Ragnhildur Sverrisdóttir, 24.1.2008 kl. 09:22]

Hehe, það er aldrei nóg af nostalgíunni  Eða BG & Ingibjörgu.

Ég sá einhvers staðar vangaveltur um að þetta uppáhaldslag mitt um litla ljúf og ljósið bjarta yrði áreiðanlega flutt á Sólarkaffi hérna í Reykjavík á föstudag. Það má sosum vel vera, en ef Ingibjörg syngur það ekki, þá felli ég engin tár á þeirri samkomu!

[Unz (IP-tala skráð) 24.1.2008 kl. 11:15]

Ég er einmitt að hlusta á Samfélagið í nærmynd þar sem verið er að fjalla um 5 bestu ísfirsku lögin.  Ég tek undir Þín innsta þrá fær alltaf tárin til að streyma.  Sko nú er það spilað, sniff sniff  
Að auki man ég eftir að hafa grátið mikið þegar Kristín Ólafsdóttir söng lagið um blinda strákinn.

[Ragnhildur Sverrisdóttir, 24.1.2008 kl. 11:21]

Þín innsta þrá var eina lagið sem hafði þessi áhrif á mig. Ég man hins vegar enn ekkasogin sem hljómuðu um húsið þegar Magga systir heyrði lagið um blinda strákinn. Þá glotti ég bara kuldalega, hafði enga tilfinningu fyrir nístandi sorginni í því og þreyttist Magga þó ekki á að útskýra fyrir mér hvað það væri óskaplega sorglegt að hann væri aleinn og yfirgefinn.

[Ingibjörg úr BG aftur (IP-tala skráð) 24.1.2008 kl. 11:27]

Ég ætlaði nú líka að þakka þér Ragnhildur fyrir alveg sérstaklega góð og skemmtileg skrif hér á síðunni þinni. Ég lít reglulega við til að njóta þeirra. Og svona til gamans upplýsist hér með að við Kristín Ólafsdóttir erum þremenningar.

[Ragnhildur Sverrisdóttir, 24.1.2008 kl. 11:33]

Snilldar viðbót. Auðvitað gat ekki annað verið en að þið Kristín væruð skyldar! Þið frænkur berið líklega ábyrgð á meiri gráti en nokkrar aðrar konur á landinu!

[Ingibjörg G.G. (IP-tala skráð) 24.1.2008 kl. 11:36]

Já einmitt. Það er víst líka svo hollt að veita tilfinningum útrás í tárum!