Systur

Jón bloggvinur tók þessa mynd af okkur systrum á Sólarkaffinu sl. föstudag. Við erum auðvitað allar í ægifögrum litklæðum, eins og Íslendinga er háttur þegar þeir fara í jarðarfarir samkvæmi.

Flottastar, þótt ég segi sjálf frá Margrét Kristjana, Ragnhildur, Hulda Bryndís og Ásthildur Lind. Bryndís er elst í systkinahópnum, svo kemur Kristján sem býr í útlöndum og var fjarri góðu gamni, Magga er næst, svo ég og Ásthildur yngst.

Gott að eiga systur.

Athugasemdir

[Jenný Anna Baldursdóttir, 29.1.2008 kl. 14:31]

Þið eruð sætar og nokkuð gleðilegar þrátt fyrir tilefnið.  Svona á þetta að vera.

[Kristín Björg Þorsteinsdóttir, 29.1.2008 kl. 15:08]

Flottar systur - þú/þið eruð ríkar, ríkar, ríkar........

[hm (IP-tala skráð) 29.1.2008 kl. 17:11]

Fantaflottar systur! Fegin líka að lesa að það eru fleiri mæður en ég sem kunna ekki listina að fastaflétta og beygla hárið og ég veit ekki hvað og hvað! Verð líka að viðurkenna að söngvasafn systranna er talsvert ríkara en mitt, gætu verið með atriðið á þorrablótum og rolluböllum :)

[Ragnheiður , 29.1.2008 kl. 17:28]

Flottar...áberandi að ekki hefur alltaf verið notuð sama uppskriftin við systraframleiðsluna.

[Gísli Baldvinsson (IP-tala skráð) 29.1.2008 kl. 19:51]

Þið eruð glæsilegar enda frænkur mínar! kv gb

[hke (IP-tala skráð) 29.1.2008 kl. 22:12]

Heyrðu, kellingin. Hvar er stækkunarfídusinn á þessari fínu mynd? Maður þarf nú að skoða nálægt og leggja blessun sína yfir "sjoppið" og þannig.

[Ragnhildur Sverrisdóttir, 30.1.2008 kl. 00:25]

Þetta er með vilja gert, hke. Við systur erum "fjarska"fallegar

[Rannveig Lena Gísladóttir, 30.1.2008 kl. 16:52]

jebb... það er gott að eiga systur.  Amk svona oftast.  Ég á slatta af þeim...

[hke (IP-tala skráð) 30.1.2008 kl. 20:18]

Fjarska hvað? Endemis vitleysa! Vondu fréttirnar eru hins vegar þær, að svo virðist sem Ásthildur sé með samskonar hálsmen og myrtu stúlkurnar í Forbrydelsen.