Samstaða

Hvers vegna láta blaðamenn bjóða sér þetta? Að bíða bara frammi á gangi, á meðan Vilhjálmur klárar að tala við ljósvakamiðlana?? Hann vildi reyndar helst fá að tala við einn fréttamann í einu, sem sýnir ljóslega hversu langt hann er frá því að vera með puttann á púlsinum, en ljósvakamiðlarnir höfðu sitt fram, að mér skilst með vísan til þess að þeir væru allir með beina útsendingu.

En blaðamenn af Mogga, 24stundum, DV og Fréttablaði? Fóru þeir ekki bara?? Það hefði verið hið eina rétta í stöðunni.

Samstöðu, gott fólk! Þið ljósvakafólk og blaðafólk áttuð að standa saman í þessum endemis vitleysisgangi. Og blaðafólkið að láta sig hverfa, en ekki taka svona framkomu þegjandi. Stjórnmálamaður - kjörinn fulltrúi almennings- á ekki að deila svona og drottna, úthluta viðtali við sig eins og einhverju náðarbrauði. Honum ber skylda til að svara.

Athugasemdir

[Garún, 11.2.2008 kl. 16:52]

Nei hann ætlar örugglega að axla ábyrgð á seinkuninni næst bara....meiri vitleysan. Mér finnst stundum eins og þetta fólk sé í einhverjum hlutverkaleik t.d dungeons and dragons eða hvað það heitir allt saman. Ég held að þessir pólitíkusar haldi að við borgararnir og landsmenn allir séum bara frekar heimsk. Og eru fleiri að velta því fyrir sér afhverju hann kallaði til blaðamannafundar, bara til að segja okkur að hann ætli að hugsa málið og tala við sitt fólk! Er hann ekki búin að vera aðþví í marga daga. Mér finnst hann alltaf vera að hugsa málið og tala við sitt fólk. Kannski ætti hann að fara að hlusta á sitt fólk svona einu sinni. æi guð gefi okkur betri borgarstjórn næst. fólk sem spilar bara lúdó eða kana...

[Ragnhildur Sverrisdóttir, 11.2.2008 kl. 17:06]

Haha, já, ég verð að viðurkenna að ég féll í þessa sömu gryfju: Ég hélt að hann hefði boðað til fundar með fréttamönnum af því að eitthvað væri að frétta!

Þetta var auðvitað allt í stíl við það sem á undan var komið

[jensen (IP-tala skráð) 11.2.2008 kl. 23:02]

Fréttamenn voru allt of vægir við kallinn,hann er einsog biluð segulbandsspóla sagði næstum það allt sama og þegar hann hrökklaðist frá síðast.Og ekki má gleyma því hverjir eiga fjölmiðlana,en ekki vil ég trúa því að grunur minn sé réttur þar,nei nei.

[Hildur (IP-tala skráð) 11.2.2008 kl. 23:13]

Já, og mundi ekki einu sinni hvar og hvenær fundurinn átti að vera !

Ráðhúsið..... hum....... segjum kl. 12

Ég hugsaði þetta líka, afhverju fara þeir ekki. Kanski það hefði slegið manninn út af laginu.

Kanski bjuggust flestir við fréttum ef boðað var til blaðamannafundar.

[Jenný Anna Baldursdóttir, 11.2.2008 kl. 23:56]

Ég hélt að hneykslunarstuðullinn væri sprunginn, hafði ekki heyrt af þessari primadonnuuppákomu.  Við búum ekki í bananalýðveldi, við búum í víberjalýðveldi.  OMG

[Olla (IP-tala skráð) 12.2.2008 kl. 13:22]

Ég skammast mín fyrir að vera Reykvíkingur og Íslendingur, ef út í það er farið, við þessar "Sirkus-Reykjavík-aðstæður". Vona að þetta fréttist ekki út fyrir landssteinana. Hvað ætli grannþjóðirnar haldi um okkur? Nú á leikritinu að vera lokið og tími kominn á some serious work. Ef Villi verður aftur borgarstjóri og Ho, ho, ho, we say hey hey hey vinnur forkeppnina í evróvisíón þá flyt ég af landi brott - þá er ég hætt að vera Íslendingur!

[Ragnhildur Sverrisdóttir, 12.2.2008 kl. 14:26]

Hið eina rétta í stöðunni er að friða Sirkus-kofann gamla, breyta honum í ráðhús og nota ráðhúsið undir eitthvað af viti.

[Olla (IP-tala skráð) 12.2.2008 kl. 16:13]

Heyr, heyr! Þar getur Sirkus-Villa-Smart látið vaða á súðum, hugsað málið, boðað til brandarakeppni eða hvaðeina sem þeim dettur næst í hug. Boðið til sín tönuðu trommuleikurunum í Mercedes meira að segja, enda mundu þeir passa flott inn í leikritið. Húsið við tjörnina má svo nota til gagnlegri hluta - synd og skömm!