Harðindi

12.2.2008 | 21:08

Fyrir svefninn voru systur að æfa sig í hugarreikningi.

5 plús 5 eru 10.

2 plús 3 eru 5.

Og svona héldu þær áfram lengi.

Ég stoppaði þær og sagði þeim að svona hefði þetta ekki verið þegar ég var lítil. Þá hefði sko ekki verið nóg af öllu. 5 plús 5 hefði í mesta lagi verið 7.

Þær snarþögnuðu og horfðu á mig, afskaplega efins, svo ekki sé meira sagt. Ég kallaði mömmu þeirra til vitnis, en hún kvaðst ekki viss um að það hefðu einu sinni verið til skólar þegar ég var lítil.

Ég þrætti auðvitað, en ítrekaði svo að "í gamla daga" hefði skortur verið viðvarandi. 5 plús 5 voru bara 7 og 2 plús 3 aldrei meira en 4.

Þeim systrum var alveg nóg boðið. "Það er ekkert hægt að breyta 5 plús 5!" sagði Margrét, yfir sig hneyksluð.

"Þetta er reikningur, en ekki peningar!" sagði Elísabet.

Umræða um skort úr sögunni.

Flokkur: Bloggar | Facebook

Athugasemdir

Hahahahaha!!! Snilld!

Hugarfluga, 12.2.2008 kl. 21:45

Veinandi brilljans.

Jenný Anna Baldursdóttir, 13.2.2008 kl. 00:10

Takk fyrir þessa skemmtilegu sögu. Hún kom mér í gott skap.

Davíð Þór (IP-tala skráð) 13.2.2008 kl. 09:25

Svona umræður um "gamla daga" geta endað skringilega eins og amma sem ég veit um fékka að reyna.

Eftir að hún hafði verið að segja frá einhverju sem var í "gamla daga" spurði ömmubarnið "Amma þurftir þú þá að passa þig á risaeðlunum þegar þú fórst í skólan?"

Einar Þór Strand, 13.2.2008 kl. 10:16

hahahahahahah !!!! Sætt!!!

Dabba vinur :) (IP-tala skráð) 13.2.2008 kl. 10:36

Þetta er fyndin saga - aumingjans dæturnar að eiga svona kvikyndislega mömmu - ekki bara eina heldur tvær.....

Kristín Björg Þorsteinsdóttir, 13.2.2008 kl. 11:09

Hehehe.. þær láta ekki slá sig út af laginu með svona vitleysisgangi enda snjallar stúlkur.

Olla (IP-tala skráð) 13.2.2008 kl. 11:25

Flott hjá þeim að fatta kvikindisskapinn í mömmunum. Hehhehehe! Ég lagði mjög þung dæmi fyrir strákinn minn áður en hann fór í skóla. T.d. Hvað eru tvær milljónir plús þrjár milljónir? Honum tókst vel að svara svona hrikalega stórum dæmum og sjálfstraustið var svo mikið þegar hann byrjaði í skóla að hann var lengi vel hæstur í bekknum í stærðfræði.

Guðríður Hrefna Haraldsdóttir, 13.2.2008 kl. 12:33