Heima

Elísabet er heima hjá mér í dag.

Hún var eitthvað tæp í maganum í morgun, kúgaðist dálítið og var kalt, en svo varð nú ekkert meira úr því. Hún sofnaði aftur, eftir að systir hennar fór í skólann, svaf hátt í tvo tíma og vaknaði  glorhungruð. Ekkert að maganum í henni, en vissulega er hún ekki alveg eins og hún á að sér að vera. Bara örlítið slöpp. En auðvitað dekraði ég hana með því að baka klatta og hún var alsæl.

Núna liggur hún fyrir framan sjónvarpið og horfir á einhverja mynd. Það fer ósköp lítið fyrir henni og ég get setið við tölvuna eins og mig lystir. Hún valdi mynd sem systir hennar nennir aldrei að horfa á. Gott að nýta fjarveru hennar svona.

Athugasemdir

[sverrir (IP-tala skráð) 14.2.2008 kl. 22:16]

Hæ frænkur,og takk kærlega fyrir pakkann frá ykkur ég var ekkert smá glaður að fá hann þegar ég kom heim af spítalanum og Elisabet vonandi ertu orðin eldhress knús frá frænda Sverri