Fatapóker

Þegar Kata kom heim úr vinnunni vorum við að spjalla um hitt og þetta. Og hlusta á fréttir. Elísabet vill alltaf fá útskýringar á öllu og þegar við vorum að fylgjast með einhverri sjónvarpsfréttinni vildi hún endilega fá að vita hvað væri um að vera. Kata svaraði, annars hugar: "Æ, þetta er pólitík."

"Nú?" svaraði Elísabet, "ég hélt að pólitík væri um föt?!"

Ýmislegt hefur hann Björn Ingi á samviskunni

Athugasemdir

[Jenný Anna Baldursdóttir, 13.2.2008 kl. 20:58]

Nú hreinlega andast ég.  Guð blessi minningu mína.

[Garún, 13.2.2008 kl. 21:33]

Vá hvað þú ert með mikið efni í ræður í giftingum þeirra. Alveg frábært. Ég er byrjuð að safna líka..ætla að vera veislustjóri hjá Gussla. Um daginn var ég með hann því það var frí í skólanum og ég þurfti að fara að borga vask...hann: "skatt! skatt hvað er það?" ég sagði honum að skatturinn færi í að sjá um samfélagið, borga kennurum, löggum og læknum og svoleiðis. Hann svaraði engu í smá stund en svo heyrði ég hann tuldra við sjálfan sig "samfélagið..huh samfélagið.....og svo gerist ekki neitt!"

ég næstum því keyrði útaf af hlátri. Þarna sat hann eldgamall sjö ára þreyttur á aðgerðarleysi stjórnvalda og röflaði í aftursætinu.

[Ragnhildur Sverrisdóttir, 13.2.2008 kl. 22:11]

Ég hef líka átt þessa skattaumræðu við þær systur, talað um "stóra sjóðinn" sem borgar löggum og læknum, kaupir ljósastaurana og umferðarljósin o.fl. o.fl. Held þær nái þessu kannski ekki alveg... en það er ekki eins og það sé ekki nægur tími til að átta sig á helv.... sköttunum!

Snilldar drengur, sá lífsleiði

[Húsmóðir, 14.2.2008 kl. 00:33]

Þessi er æði,  verð ég að segja henni móður minni þetta, hún er sko XB !