Fegurð og pólitík

"Hvor hópur kvenna er fallegri, vinstri-sinnaðar eða hægri-sinnaðar?"

Síðdegisútvarp Bylgjunnar spurði hlustendur að þessu.

Ég er ekki að skrökva þessu. Mér myndi ekki detta í hug að ljúga svona stórkostlegu bulli upp á eina stærstu útvarpsstöð landsins.

Karlmennirnir þrír, sem eru skráðir fyrir síðdegisþættinum, þurfa enga aðstoð við klúðrið.

Athugasemdir

[Jenný Anna Baldursdóttir, 15.4.2008 kl. 09:44]

Þarna hefur pabbi drengjanna farið heldur betur út af sporinu í uppeldinu (alltaf að kenna foreldrunum um).  Án gamans, þá er þetta ekki einu sinni fyndið.

Stundum er hugtakið að "kasta sér í vegg" ágætis hugmynd að viðbrögðum.

Takk fyrir mig.

[Ragnhildur Sverrisdóttir, 15.4.2008 kl. 09:55]

Ég er öll marin og blá, enda búin að kasta mér svo oft í vegg. Hefði betur látið eiga sig að herma þau viðbrögð eftir þér, þetta er sársaukafullt til lengdar !

[Kristín Björg Þorsteinsdóttir, 15.4.2008 kl. 11:36]

Þeir eru að reyna að vera einhverjir Berlúskónar - en þykir hann nú ekki merkilegur pappír kallinn.

Ég á vegginn......

[Drengur Óla Þorsteinsson (IP-tala skráð) 17.4.2008 kl. 00:16]

Fegurðin kemur innanfrá. Hófsemi er fallegust þegar á reynir. Dæmi svo hver fyrir sig.