Á kafi

Systur rumskuðu í morgun þegar mamma þeirra hafði sig til fyrir sólarhringsferð til útlanda. Þær knúsuðu hana og kysstu, en voru svo syfjaðar að þær mundu það eins og draum.

Í einhverri augnabliks viðkvæmni lofaði ég þeim að fara með þær í sund í kvöld. Það hefur sína kosti, því þær heimta pulsu og kók á eftir svo ég slepp við að elda.

Systur geta auðvitað ekki farið bara tvær með mér. Tara bættist við í gær og Marta María í morgun.

Logalandsgengið komst allt inn, en umsóknarfrestur er liðinn.

Athugasemdir

[Jenný Anna Baldursdóttir, 9.5.2008 kl. 12:09]

Mér finnst leim ef eiginmaður dótturinnar fær ekki að fljóta með.

Góða skemmtun og bon apitit í pylsuvagninum.

[Ragnhildur Sverrisdóttir, 9.5.2008 kl. 12:31]

úff, ég er hreinlega ekki búin að venjast tilhugsuninni um tengdasoninn. Steingleymdi hjúskaparstöðu dótturinnar, svei mér þá. En þau eru svo moderne að þau ætla að vera í fjarbúð og lifa sjálfstæðu lífi. Í því felst að fara hvort í sínu lagi í sundlaugina.

Rennibraut fer ég ekki í ótilneydd.

Verst að þeim hættir til að neyða mig í slíkt.

[Kristín Björg Þorsteinsdóttir, 9.5.2008 kl. 15:20]

Þú mátt þakka þínum sæla fyrir meðan hann flytur ekki inn á ykkur. Þá færir þú að mæta litlum pjakki á naríunum einum saman eldsnemma á morgnanna.....