Stressandi

Sumarið er hlaupið í systur og þeim halda engin bönd. VIð leyfðum þeim að hjóla hér í nágrenninu með Töru eftir kvöldmatinn, en sögðum að þær ættu að koma heim kl. hálf níu. Það fannst þeim frábært, þessum ormum sem yfirleitt eru komnir í rúmið á þeim tíma.

Kata lét Margréti fá úr og sagði henni að koma inn þegar stóri vísirinn væri kominn niður á 6.

Margrét kom inn 20 mínútur yfir 8. "Ég er svo stressuð af því að stóri vísirinn er alveg að koma á 6 að ég skemmti mér alls ekkert!"

Kata stóðst þetta ekki og sagði henni að þær mættu vera lengur, við yrðum ekkert reiðar þótt þær færu aðeins fram yfir tímann.

Athugasemdir

[Þórhildur Helga Þorleifsdóttir, 27.5.2008 kl. 21:21]

Kolfreyja 8 ára dóttir mín kann greinilega ekki á klukku ( en lærði samt á hana fyrir margt löngu ), hún átti að koma inn kl. hálf 9 ( og úrið frá ömmu var kirfilega fest á únliðinn ), en nú er ég að fara til nágrannavinkonunnar og sækja mína stúlku. Ég skil hana svosem ósköp vel þegar það er svona bjart og gott veður úti,- en það er það svosem líka í morgunsárið ;)

[Ragnhildur Sverrisdóttir, 27.5.2008 kl. 21:22]

Úff, já, ég er nú farin að kvíða fyrir að drösla þeim framúr í fyrramálið.