Fordrykkur

Föstudagskvöld og blessað sunnudagsblaðið alveg að komast á koppinn. Ég hef ekkert betra að gera á föstudagskvöldi. Ónei.

Kata situr heima á palli og sleikir sólina. Er að fara að grilla, en lofaði að skilja eftir borgara á grillinu fyrir mig. Mér líst nú ekki nema í meðallagi vel á það. Held hann verði orðinn heldur lúinn seinna í kvöld.

Ég fyllti á litla samviskubætandi Ford-bílinn í gær. Rúmlega 30 lítrar kostuðu mig bara 3000 krónur, en ekki 5200 krónur, eins og minni spámenn þurfa að borga.  Af því að Brimborg er með "bensínverðvernd" og tryggir mér 1500 lítra á 99 kr. pr lítra. Þessi bíll verður sífellt betri kaup, svei mér þá.

Ég ætlaði að keyra hann ofurvarlega, til að spara sem mest bensín. Núna rykki ég af stað á ljósum ef mér sýnist svo. Það er svokallaður Ford-rykkur, eins og ákveðinn fyrirsagnasmiður benti á. Bíllinn heitir hér eftir Fordrykkurinn.

Alkóhólfrír. 

Athugasemdir

[Hildur Helga Sigurðardóttir, 20.6.2008 kl. 19:21]

Já, eflaust verður borgarinn léttsveittur þegar þar að kemur. En til hamingju með sunnudagsblaðið.  Hlakka til að sjá það.

[Ragnheiður , 21.6.2008 kl. 00:05]

Hvurslags..passaðu bara að enginn sé fyrir framan þig á ljósunum !

[Elín Sigríður Grétarsdóttir, 22.6.2008 kl. 22:57]

þetta hefur verið orðinn hálfgerður eldri borgari ...