Stolt

8.8.2008 | 20:26

Systur voru hálf súrar í morgun að fá ekki að fylgja okkur Kötu í útvarpið. Við fórum í smá spjall við Hrafnhildi og Guðrúnu í morgunútvarpinu, í tilefni Gay Pride. Elísabet bað mig að skila því í útvarpið að henni þætti gott að eiga tvær mömmur. Margrét tók fram að það væri áreiðanlega gott að eiga pabba, en hún vildi ekki skipta.

Ég skilaði þessu að sjálfsögðu.

Á meðan við vorum í útsendingu voru þær hjá Töru. Þar hlustuðu þær á útvarpið hinar lukkulegustu.

Á morgun förum við svo allar niður í bæ, í sérstökum bolum með regnbogafána og áletruninni "Stolt fjölskylda" Wink

Flokkur: Bloggar | Facebook

Athugasemdir

Ef börnin fengju að setja tónin í umburðarlyndi og mannkærleika þá værum við í góðum málum.

Ég er að pæla í hvort við byrjum ekki á öfugum enda og ættum að vera komin í sandkassann um þrítugt.

Sumir amk.

Til hamingju við öll með liti regnbogans.

Vá hvað ég er skáldleg.

Úje

Jenný Anna Baldursdóttir, 8.8.2008 kl. 20:28

Tek hjartanlega undir með skáldkonunni Jenný Önnu.

Ef þær fengju að ráða í einn dag borg og ríki þá hefði ég ekki áhyggjur á meðan. Snilldarstelpur !

Ég er annars í óopinberu yfirliði. Hef búið hér á forsetaslóðum í rúmt ár og rakst á kappann fyrst áðan hehe...hversu kúl er það ? Hehe

Ragnheiður , 8.8.2008 kl. 21:37

Góða skemmtun á Gay Pride, stolta fjölskylda

Sigrún Jónsdóttir, 8.8.2008 kl. 23:59

Ég tek undir með þeirri skáldlegu, það væri munur ef börnin fengju að setja tóninn í umburðarlyndi, og mannkærleika. Gleðilega hátíðargöngu á morgunn Stolta fjölskylda. -

Lilja Guðrún Þorvaldsdóttir, 9.8.2008 kl. 00:10

Tek undir með ykkur ágætu konur. Börn eru laus við fjölmarga lesti fullorðna fólksins, sem betur fer. Stelpurnar eru æðislegar! Góða skemmtun í gleðigöngunni á morgun. Heyrði að hún yrði glæsilegri en nokkru sinni fyrr. Verð því miður fjarverandi í þetta sinn.

Olla (IP-tala skráð) 9.8.2008 kl. 01:07