Forgangur

Systur eru alsælar eftir fyrstu vikuna í skólanum. Þær láta ekkert á sig fá ennþá þótt þær komist ekki í frístundaheimilið, enda hefur maður gengið undir manns hönd að redda þessu í vikunni. Við Kata höfum skutlað þeim fram og til baka og Thelma Törumamma hefur líka verið á þönum í kringum gengið. Magga systir hljóp undir bagga og afi og amma á Gilsó eru í startholunum. Svona gengur þetta auðvitað ekki heilan vetur, svo við Kata verðum að leggja heilann í bleyti um helgina. Enn er ekkert sem bendir til að þær systur komist á frístundaheimilið á næstunni. Verri dæmi eru reyndar til, eða hvað á það að þýða að halda 6 ára stelpu utan frístundaheimilis af því að foreldrar hennar sóttu ekki um vistun fyrr en í maí? Slíkt dæmi er í Mogga í dag.

Mér stendur slétt á sama um Laugaveginn og öll gömul timburhús í Reykjavík þessa dagana. Mörg hundruð milljónir fyrir ónýt hús og brunninn eru í mínum huga bara vitnisburður um bjánalega forgangsröðun pólitíkusa, sem tala út í eitt á tyllidögum um samþættingu skóla og frístunda.

En systur eru sem sagt lukkulegar, að vanda. Vikan hefur líka verið viðburðarík. Marta María átti afmæli á fimmtudag og þá var mikil veisla í Stjörnustelpum. Ég átti reyndar líka afmæli á fimmtudag og familían kom í kaffi um kvöldið.

Í morgun tók ég það rólega með systrum, þær fóru í langt og heitt bað og við horfðum aðeins á barnatímann, á meðan Kata hjálpaði til á markaðnum hennar Jóhönnu Kristjóns í Perlunni. Mikið er það nú annars frábært framtak! Það er ég viss um að sjóðurinn hennar Jóhönnu á eftir að tútna út og þá getur hún byggt skóla í Jemen.

Áðan var annar í afmæli á númer tvö, en þaðan fóru systur beint upp í Skorradal með guðmæðrum sínum. Við Kata ætlum að nota daginn til að vinna upp það sem sat á hakanum í vikunni, en skreppum svo til þeirra í kvöld eða á morgun. Við vorum að gera okkur vonir um að geta fundið ber einhvers staðar í nágrenni borgarinnar, en það verður að ráðast af veðri og vindum. 

Athugasemdir

[Linda Linnet Hilmarsdóttir, 30.8.2008 kl. 21:38]

Innlitskvittknús knús og bestu kveðjur

[Kristin Jónsdóttir (IP-tala skráð) 31.8.2008 kl. 03:05]

HÆ,

HEF OHEMJU GAMAN AF TVIBURA SÖGUM, ENDA SJALF TVIBBI.

sonur minn var aldrei nema hALFANN DAGINN A LEIKSKOLA, MEÐ LÖNGUM SUMAR-JOLA OG PASKFRIIUM, ALDREI LENGDRI VIÐVERU EINSOG ÞAÐ HET ÞA, EFTIR AÐ SKOLAGANGA HOFST, SAMT BARA 12 AR SIÐAN EG NAUT ÞESS UT I YSTU ÆSAR AÐ VERA MEÐ DRENGNUM! ENDALAUSAR SUNDFERÐIR, UTILEGUR, VEIDI,FRI UT A LAND,FARIÐA FJOLL OG OVISSUFERÐIR MEÐ NESTI OG GUÐ MA VITA HVAÐ,HRIKALEGA ÞREYTT EFTIR EITT GOTT SUMAR EÐA SVO EN..SAMT EINSTÆÐ MOÐIR A NAMSLANUM, BUANDI A GÖRÐUNUM OG OFT OGEÐSLEGA DRULLUBLÖNK ENDA I MJÖG KREFJANDI NAMI. sVO TOKST ÞETTA ALLT SAMAN., DRENGUR KOMINN ERLENDIS TIL NAMS I KVIKMYNDAGERÐ OG NU ÞEGAR, EFTIR UPPELDIÐ OG ÖLL OSKOPIN HEF EG OSKAÐ EFTIR AÐALHLUTVERKI, JAFNEL ÞO ÞAÐ VÆRI TEIKNIMYND....:=) K

[hke (IP-tala skráð) 31.8.2008 kl. 17:08]

Æ, síðbúnar ammókveðjur, ég er ekkert að fylgjast með tímanum þessa dagana. Þú batnar með hverju árinu ;)

[Urr (frú) (IP-tala skráð) 31.8.2008 kl. 22:42]

sama hér, afar síðbúnar afmæliskveðjur til ykkar beggja. Maður stendur sig alls ekki í stykkinu. suk & stön eins og þar stendur

u

[hke (frú-2) (IP-tala skráð) 31.8.2008 kl. 22:49]

Og *pust* - þorði nú bara alls ekki að víkja sögunni að Kötu, það er enn lengra síðan ... ó, well.

[Kata (IP-tala skráð) 1.9.2008 kl. 21:46]

Já, skammist ykkar barasta !
Þið getið mögulega bætt þennan slóðaskap upp með því að stuðla nú að einu almennilegu bæjarróli á næstunni. In you we trust :)