Á fílslöppinni

Ég hoppa um eins og vitleysingur í vinnunni. Eða dreg á eftir mér hægri fót, öllu heldur. Þannig skakklappaðist ég um í gær, fór í Nóatún, Jenný súperbloggvinkona bankaði í öxlina á mér og ég bara kinkaði kolli af því að ég var í stjóraleik í símanum () fór loks og lét lækni kíkja á löppina, hann sendi mig strax á spítala af því að þessi bólgna fílslöpp var svo blóðtappaleg, á spítalanum var ég skoðuð í bak og fyrir og reyndist bara vera með slæmsku út frá biluðu hné. Sjúkk! Dreg samt enn á eftir mér þrefalda löppina, en það hlýtur að skána. Ét bólgueyðandi og verkjalyf, eða mun gera það þegar ég aulast loks á löppinni í apótek.

Bara góð annars, eins og sagt er.

Athugasemdir

[Ragnheiður , 2.9.2008 kl. 12:59]

Heppin varstu að hún bankaði í Öxlina en ekki Löppina...maður á að fara strax með stokkbólgnar lappir til læknis skamm skamm...þær eru nefnilega blóðtappalegar.

Fara vel með sig stelpa !

[Jenný Anna Baldursdóttir, 2.9.2008 kl. 15:23]

Það var alveg nóg að "berja" þig augum góða mín en þú varst ógissla important í símanum.

[Ragnhildur Sverrisdóttir, 2.9.2008 kl. 17:10]

Ég veit upp á mig skömmina, Ragnheiður. Fer fyrr til læknis næst.

Takk fyrir Jenný, ég legg töluvert á mig til að vera important í símanum. Vandræðalegt samt stundum þegar hann hringir og ég er í miðri stjóraræðu.

[Helga Magnúsdóttir, 2.9.2008 kl. 20:08]

Sjúkkitt, eins gott að þetta var ekki blóðtappi.