Hlýja

Þessa síðustu og verstu daga er best að láta hugann reika til sumarsins.

Við áttum ljúfar stundir hjá Möggu systur og Pétri á Kirkjubæ við Ísafjörð. Þar var endalaus blíða og engar áhyggjur. Systur borðuðu ís út í eitt og nutu alveg sérstaklega samvista við Sverri frænda. Þeim finnst reyndar óbærilegt að hugsa til þess að einhvern tímann komi að því að hann verði ekki á staðnum, blessaður unglingurinn. Hann hefur alltaf verið á Kirkjubæ um leið og þær, alveg frá því að þær komu þangað fyrst, 4 mánaða! Spurning hvort hægt verði að semja við hann um að koma þar við eina viku á ári, þótt hann fullorðnist svona hratt?

Bryndís systir sendi mér þessa mynd áðan og hún yljar í kuldanum.

Athugasemdir

[Jenný Anna Baldursdóttir, 3.10.2008 kl. 11:58]

Veðrið maður minn.  Þvílíkur unaður.  Er ekki alveg svakalega langt síðan?  Þannig líður mér amk.

[Olla (IP-tala skráð) 3.10.2008 kl. 17:09]

Sumarið er tíminn!.... ef ég má taka mér orð Bubba í munn. Og já, það er langt síðan það var ylur og áhyggjuleysi