Dorrit

19.10.2008 | 21:39

Ég er ánægð með Sunnudagsmoggann.

Núna byrja fréttaskýringar (Vikuspegill) strax á bls. 4 og þar fyrir aftan fréttaúttekt og þéttur pakki, feature efnið þar fyrir aftan. Mér finnst þessi samsetning hafa tekist vel hjá okkur.

Viðtalið við Dorrit hefur vakið mikla athygli, eins og sést í bloggheimum. Fólk skiptist algjörlega í tvö horn: Sumir eru hrifnir af forsetafrúnni og því sem hún segir, aðrir eru yfir sig hneykslaðir og tala um hana af lítilsvirðingu. Og svo eru alltaf einhverjir sem leggjast í ógurlegar pælingar um hvað Morgunblaðinu hafi gengið til með birtingu viðtalsins. Þeir æsa sig upp úr öllu valdi og eyða miklu púðri í slíkar pælingar. Og allir hafa lesið hvert orð í viðtalinu. Um leið svara þeir spurningu sinni sjálfir: Viðtal við Dorrit er áhugavert og ekki síst fyrir þá sök að fólk verður seint á einu máli um hana. ÞAÐ er ástæða þess að Dorrit er gott viðtalsefni.

Á heimavellinum eru systur sofnaðar eftir góðan dag. Heimsókn til afa og ömmu og afa og ömmu, langur hjólatúr með Kötu og svo Dagvaktin með okkur fyrir svefninn. Við verðum að endurskoða það þáttaval, því þetta er ekki beinlínis barnaefni! Við eyddum meiri tíma í að beina athygli þeirra frá skjánum en að horfa á þetta.

Annars allt gott.

Flokkur: Bloggar | Facebook

Athugasemdir

Gott viðtal

Sigrún Jónsdóttir, 19.10.2008 kl. 21:41

Mér fannst sunnudagsblaðið flott. Ég þorði ekki að skrifa það til þín í gær, erfitt að viðurkenna opinberlega bráðlætið að geta ekki beðið með moggann til rétts dags.

Til hamingju með flott blað, sérstaklega var ég hrifin af blóðblettagreininni...

hljóp yfir viðtalið við Dorrit, les það betur á morgun í vinnunni.

Ragnheiður , 19.10.2008 kl. 21:44

Mér finnst afbragð að fá sunnudagsmoggann á laugardögum, svo gott að geta lesið fréttirnar svona fyrirfram!

Finnst þið eigið að gera það við önnur blöð vikunnar, sko að bera þau í hús kvöldið áður! Þá yrði Mogginn eins og Vísir auglýsti sig í gamla daga: "Fyrstur með fréttirnar" !!!

Viðar Eggertsson, 19.10.2008 kl. 23:39

Tek undir með næstsíðasta ræðumanni, blóðsettugreinin var æði! Kínverjinn sjónumhryggi hafði aldrei vikið úr huga mínum og ég væri mikið til í að fá að heyra hlið hans af naglbítsmálinu mikla.

Gerður (IP-tala skráð) 20.10.2008 kl. 07:53

Mjög skemmtileg blóðslettugreinin, hef mjög gaman af svona CSI pælingum. Man eftir annarri grein sem þú skrifaðir um svipað efni. Skemmtilegt að fá íslenska útgáfu af því, ekki bara ameríska glansútgáfuna ;o)
Las líka Dorrit viðtalið, fordómagreinina og er hálfnuð með bankamálin. Held ég hafi bara aldrei áður lesið eins mikið af efni sunnudagsmoggans !!

Ásta Guðrún (IP-tala skráð) 20.10.2008 kl. 10:04

Takk fyrir viðbrögðin!

Það er ekkert að því að viðurkenna að Sunnudagsmogginn sé lesinn á laugardögum, ef hann er kominn í hús þá. Minn var að vísu ekki kominn fyrr en á sunnudagsmorgni, en ég vissi upp á hár hvað var í honum, svo það kom ekki að sök.

Hins vegar er vandasamara að gera þetta við öll blöð, Viðar Það minnir mig á manninn, sem hringdi einu sinni pirraður í Moggann og kvartaði undan sjónvarpsdagskránni í blaðinu. Sagði að hún væri ekki nógu nákvæm. Þegar hann var beðinn um dæmi benti hann á að t.d. væri tekið fram klukkan hvað sjónvarpsfréttirnar væru, en hins vegar væri ekki stafur um hvað væri í fréttum það kvöldið! Allt Mogga að kenna