Með kössótta hausinn

"Á borgarstjórinn börn?" spurði Margrét mig í kvöld.

"Já, hún á börn," svaraði ég.

Margrét varð ráðvillt á svip. "Nei, ég meina borgarstjórann. Manninn. Á hann börn?"

"Borgarstjórinn er kona. Hanna Birna. Og hún á börn," sagði ég.

"Æ, ég meina kallinn með kössótta hausinn og brúna hárið og gleraugun. Sem er alltaf með rautt bindi."

"Hann heitir Geir Haarde og er forsætisráðherra."

"Já, hann. Á hann börn?"

"Já, Margrét, hann á börn."

"Eru þau ekki montin af honum?"

Athugasemdir

[Ragnheiður , 20.10.2008 kl. 21:07]

Ó elsku hjartað....yndislegust.

Þetta þarf barn til að sjá

[Olla (IP-tala skráð) 21.10.2008 kl. 13:38]

Æji krúttið, dásamlegt! Verð líka að segja frá því að stjúpdóttir mín færði Geir blóm um daginn, í vikunni þegar mest gekk á. Hún býr í húsinu við hliðina á honum svo að það voru hæg heimatökin. Hann var reyndar ekki heima til að taka á móti blómunum enda frekar upptekinn þá dagana. Inga Jóna gerði það fyrir hans hönd. Þegar ég spurði hana af hverju hún hefði verið svona ákveðin í að færa Geir blóm sagði hún: "Það er búið að vera svo erfitt hjá honum, allir eru svo reiðir út í hann". Algjört krútt!

[Ragnhildur Sverrisdóttir, 21.10.2008 kl. 17:16]

Æ, ljúf að fara með blóm

Gat hún ekki farið með brenninetlur heim til þeirra sem það eiga skilið??

[Dabbaa (IP-tala skráð) 22.10.2008 kl. 18:00]

ÆÆjjjii yndislegust ... krúslan ;*

[Kristín (IP-tala skráð) 22.10.2008 kl. 20:40]

æji en hvað hún er yndisleg