Rautt

Í dag er rauður dagur í Fossvogsskóla.

Systur eiga rauðar úlpur og rauðar kuldabuxur og ýmislegt annað rautt. En merkilegt nokk er fátt rautt í fataskápnum. Þær fara ekki lengur í Valsbolum í skólann og hafa ekki enn eignast Víkingsboli, svo þetta var nokkuð snúið.

En við fundum auðvitað rauða boli fyrir rest og systur tóku jólasveinahúfur með sér. Þær ætla svo að fara til afa og ömmu eftir skólann, en undir kvöldið mála þær piparkökur með Kötu. Ég verð á Mogga fram á kvöld, en fæ áreiðanlega sérskreyttar piparkökur þegar ég sný heim

 

Athugasemdir

[Lísa Margrét Kristjánsdóttir (IP-tala skráð) 5.12.2008 kl. 13:19]

Það hafa verið gulir dagar og grænir daga í leikskólanum hjá mínum skottum. Þær eiga bara bleik og rauð föt enda miklar tjull, blúndu dömur svo við lentum í vandræðum, gátum bjargað okkur með hárteygjum

[Ragnhildur Sverrisdóttir, 5.12.2008 kl. 13:29]

Það hefur sko ekki verið vandamál að klæða þær upp fyrir bleika daga, þ.e.a.s. ekki hingað til. Leikskólafötin voru bleik, bleik, bleik! Núna eru þetta auðvitað afskaplega stálpaðar stelpur, alveg að verða 8 ára og búnar að leggja öllu bleiku

[Linda Linnet Hilmarsdóttir, 6.12.2008 kl. 23:21]

Innlitskvitt og kveðjur