Konur í Iðnó

Seinna í dag, eða klukkan fimm, verður skemmtilegur fundur í Iðnó. Þar ætla konur að fagna stórauknum hlut kvenna á þingi (43% núna, en var 31,2% síðast!).

Þetta verður skemmtilegt í góða veðrinu, hægt að hafa opið út á verönd, gott að fá sér svalandi drykk, halla sér aftur í sætinu, hlusta á áhugaverð erindi og hitta skemmtilegt fólk.

Koma svo, konur! Mæta í Iðnó á eftir!!

Athugasemdir

[Skattborgari (IP-tala skráð) 21.5.2009 kl. 01:40]

Hver borgar fyrir þetta fínufrúakokteilboð? Hvað þarf að skera niður á móti? Einn barnageðlækni eða svo?

[Ragnhildur Sverrisdóttir, 21.5.2009 kl. 09:58]

Bölvað bull er í þér, "skattborgari". Þetta boð var haldið af frumkvæði nokkurra kvenna og kostaði ósköp lítið. Gestirnir borguðu sínar veitingar sjálfir og svo voru samskot fyrir öðru, sem var nú bara smávægilegur auglýsingakostnaður. Svo þú getur hætt að gráta ímyndaðar krónur úr ríkiskassanum.

[Garún, 21.5.2009 kl. 10:54]

Hey skattborgari!  Ég er hérna með eitt sem gerir þig eflaust brjálaðan!  Það er haldið svona fínfrúarbrennókvöld í kvöld hjá Iðnskólanum í Hafnafirði.  Konur á öllum aldri sem þekkjast ekki neitt koma og spila brennó!  Síðast þá missteig ég mig aðeins og fór uppá slysó og það kostaði þig skattborgarann 14 milljónir með röntgen og það var ekkert að mér!  Er ekki í lagi með þig!  Finnst leiðinlegt að hafa misst af þessu í Iðnó hefði viljað eyða smá tíma með flottum konum.   Næst kem ég!

[Linda Linnet Hilmarsdóttir, 24.5.2009 kl. 13:26]

Innlitskvitt og kveðjur....:)

[Lilja Guðrún Þorvaldsdóttir, 27.5.2009 kl. 21:06]

Ég komst því miður ekki, en frétti samkvæmt áreiðanlegum heimildum að það hafi verið skemmtileg stund sem þið konurnar áttuð saman í í þessu fallega veðri niðrí Iðnó.