Nornin

Margrét hefur alltaf haft töluverðan áhuga á göldrum og nornum. Hún eignaðist bók með ýmsum göldrum fyrr í sumar og hefur dundað sér við að láta hluti hverfa og jafnvel systur sína svífa í lausu lofti. Alltaf þegar hún fer í grímubúning kýs hún að vera norn.

Annað áhugamál er lestur Andrés-blaða. Þar er Hexía de Trix auðvitað oft á síðum, með tilheyrandi galdra og formælingar.

Allt mættist þetta í fótboltanum á dögunum. Margrét var ævareið út í dómarann, sem henni fannst að hefði átt að dæma aukaspyrnu, þegar brotið var á leikmanni Víkings.

Þá hrópaði sú stutta: "Bölvun fylgi þér og börnum þínum!"

Mömmur voru sem lamaðar eitt augnablik, en kipptu svo kappsama leikmanninum til hliðar og útskýrðu að svona nornaorðbragð væri ekki æskilegt á fótboltavellinum.

Athugasemdir

[Hólmfríður Pétursdóttir, 14.8.2009 kl. 15:11]

Það vita ekki allir sem eldri eru hvað á við að segja hvar og hvenær.

[Sigrún Jónsdóttir, 14.8.2009 kl. 18:00]

Úbs....hehehe

[Húsmóðir, 15.8.2009 kl. 20:58]

ha ha ha -   Frábært

[Hildur Helga Sigurðardóttir, 21.8.2009 kl. 05:09]

Aldrei leyfa henni að lesa Ísfólkið !

[hke (IP-tala skráð) 24.8.2009 kl. 21:11]

Hlédís er í kasti yfir þessari bölvun! Hún hefði reyndar mátt formæla rússneska dómaranum áðan :-(