Ritverk Akureyrings

13.5.2009 | 23:59

Um kvöldmatarleytið voru þær systur að læra. Margrét var frammi í eldhúsi hjá mér og las upp úr Fríðu framhleypnu. Elísabet var með Kötu og las sína bók.

Elísabet las setningu, stoppaði svo við og las aftur. Í setningunni kom fyrir orðið "líka."

Elísabet las orðið, með ákaflega sterkri áherslu á K-ið.

Leit svo á mömmu sína og sagði: "Heyrirðu? LíKa. Þessi bók er ábyggilega skrifuð á Akureyri."

Flokkur: Bloggar | Facebook

Athugasemdir

Dásamlegt! Bragð er að þá barnið finnur! Voruð þið ekki á Akureyri um daginn?

Lilja Guðrún Þorvaldsdóttir, 14.5.2009 kl. 00:28

Barnið hefur máltilfinningu -endar sem tungumálaséní ! It takes one to know one...

Passa samt að fara ekki með hana næstu árin á svæði þar sem hún pikkar upp mállyskur, sem gagnast henni lítið í framtíðinni.

Þannig "prata" ég t.d. enn þann dag í dag"hcvyyv svenska dialekter", smálensku osfrv. -að ekki sé minnst á Stavanger- og Þrándheimsmállyskur, þökk sé mínum norrænt tengdu foreldrum, sem þvældust með mig um þessi lönd í frumbernsku.

Fæst af þessu hefur gagnast mér í gegnum tíðina, nema að afar takmörkuðu leiti.

Það er þá helst að Finnlandssvenskan komi sér vel þegar kona hittir Sígauna frá A-Evrópu. (Þeir spá reyndar alveg ofboðslega fallega fyrir mér, þegar kemur í ljós að við tölum sama málið. Rætist ? Hverri er ekki sama um það).

Farið með stelpuna til Kína, þar sem hún nær sér í nýtanlegar mállyskur.

Hildur Helga Sigurðardóttir, 14.5.2009 kl. 00:57

Við vorum á Akureyri um páskana og Elísabet spurði mikið um muninn á framburði norðan og sunnan heiða ;)

Ég verð greinilega að varast að fara með hana á málsvæði, sem rugla hana bara í ríminu og veita ekki brúklega þekkingu! Hún vill að vísu byrja á enskunni, sem er praktískt. Kína verður að bíða.

Ragnhildur Sverrisdóttir, 14.5.2009 kl. 09:45